சீனாவுடனான வர்த்தகப் பற்றாக்குறை: ஒற்றுமையைக் கடைப்பிடிக்க ஐரோப்பிய ஒன்றியத் தலைவர்கள் தீவிரம்

சீனாவுடன் நாளுக்கு நாள் அதிகரித்து வரும் வர்த்தகப் பற்றாக்குறையைக் கட்டுப்படுத்துவது மற்றும் அரிய வகை கனிமங்கள் உள்ளிட்ட அத்தியாவசியப் பொருட்களுக்கு சீனாவின் மீதான அதீதச் சார்பைக் குறைப்பது குறித்து ஐரோப்பிய ஒன்றிய தலைவர்கள் பிரஸ்ஸல்ஸ் நகரில் கூடி அவசர விவாதத்தில் ஈடுபட்டுள்ளனர்.

தற்போது ஐரோப்பிய ஒன்றியத்திற்கு சீனாவுடனான வர்த்தகப் பற்றாக்குறை நாளொன்றுக்கு சுமார் 1 பில்லியன் யூரோவாக ($1.15 பில்லியன்) உயர்ந்துள்ளது.

கடந்த 2025 ஆம் ஆண்டில் மட்டும் ஐரோப்பிய ஒன்றியத்துடனான சீனாவின் வர்த்தக உபரி 360.6 பில்லியன் யூரோக்களை எட்டியுள்ளது.

சீனாவை தாய்வான் தூண்டவில்லை..! புதிய ஆயுத தளவாட ஒப்பந்தத்திற்கு ஜனாதிபதி லாய் சிங்-தே விருப்பம்

கடுமையான நடவடிக்கை

இது முந்தைய ஆண்டை விட 15% அதிகமாகும். மேலும், அமெரிக்காவின் இறக்குமதி வரிகள் காரணமாக தங்களுக்கு உலகளாவிய வர்த்தக வாய்ப்புகள் சுருங்கி வரும் வேளையில், சீனாவுடனான இந்த வர்த்தகப் பற்றாக்குறை ஐரோப்பிய நாடுகளுக்கு பெரும் சவாலாக மாறியுள்ளது.

இந்த விவகாரத்தில் சீனாவுக்கு எதிராகக் கடுமையான நடவடிக்கைகளை எடுக்க வேண்டும் என்று பிரான்ஸ், இத்தாலி போன்ற நாடுகள் வலியுறுத்தி வரும் வேளையில், சீனாவின் மிகப்பெரிய ஏற்றுமதியாளரான ஜெர்மனியும், சீன முதலீடுகளைப் பெற்று வரும் ஸ்பெயினும் மிகவும் எச்சரிக்கையான அணுகுமுறையை விரும்புகின்றன.

இதனால் இந்த கூட்டுப் பேச்சுவார்த்தையில் சில முரண்பாடுகள் எழுந்துள்ளன. இருப்பினும், ஐரோப்பிய கமிஷன் மூலம் சீனாவுடன் பேச்சுவார்த்தை நடத்துவதோடு, தங்களின் உள்நாட்டு வர்த்தகப் பாதுகாப்பை பலப்படுத்தவும் ஐரோப்பிய ஒன்றியம் திட்டமிட்டு வருகிறது.

அமெரிக்கா - ஈரான் போர்நிறுத்த ஒப்பந்தத்தின் எதிரொலி! எண்ணெய் விலையில் ஏற்பட்ட மாற்றம்

கூடுதல் வரிகள்

ஏற்கனவே சீனாவில் இருந்து இறக்குமதி செய்யப்படும் மின்சார வாகனங்களுக்கு கூடுதல் வரிகள் விதிக்கப்பட்டுள்ள நிலையில், சீனா அதற்குப் பதிலடியாக ஐரோப்பிய பால் பொருட்கள் மற்றும் பிராந்தி மீது கட்டுப்பாடுகளை விதித்துள்ளது.

இந்தச் சூழலில், ஒற்றை நாட்டைச் சார்ந்திருப்பதைத் தவிர்க்கும் பொருட்டு, அவுஸ்திரேலியா, இந்தியா மற்றும் இந்தோனேசியா ஆகிய நாடுகளுடன் ஐரோப்பிய ஒன்றியம் கனிம கூட்டு ஒப்பந்தங்களை மேற்கொண்டு வருவதுடன், வரும் காலாண்டில் புதிய வர்த்தகக் கொள்கை மறுஆய்வை நடத்தவும் திட்டமிட்டுள்ளது.

ஈரான் ஒப்பந்தத்தில் ட்ரம்ப் கையெழுத்திட்ட வரலாற்று முக்கியத்துவம் வாய்ந்த தருணம்