லங்காசிறி FM
இறுதி லீக் போட்டியில் இலங்கையை வீழ்த்திய இங்கிலாந்து
Amal
in விளையாட்டு
பாகிஸ்தான், லாகூரில் நேற்று (29.10.2026) நடைபெற்ற ஒருநாள் சர்வதேச முக்கோணத் தொடரின் இறுதி லீக் போட்டியில், இங்கிலாந்து அணி 55 ஓட்டங்கள் வித்தியாசத்தில் இலங்கை அணியை வீழ்த்தியது.
போட்டியில் முதலில் துடுப்பெடுத்தாடிய இங்கிலாந்து அணி 50 ஓவர்களில் 5 விக்கெட் இழப்பிற்கு 386 ஓட்டங்களைக் குவித்தது.
பாகிஸ்தான் அணியை எதிர்கொள்ளவுள்ளது
ஆரம்ப ஆட்டக்காரர் பென் டக்கெட் 132 பந்துகளில் 167 ஓட்டங்கள் எடுத்தார். இதனையடுத்து 387 ஓட்டங்கள் என்ற இலக்கை நோக்கிப் பதிலளித்த இலங்கை அணி, பவன் ரத்நாயக்கவின் அபார சதம் (77 பந்துகளில் 118 ஓட்டங்கள்) மற்றும் குசால் மெண்டிஸின் (89 ஓட்டங்கள்) பங்களிப்பு இருந்தபோதிலும், 331 ஓட்டங்களுக்கு அனைத்து விக்கெட்டுகளையும் இழந்து ஆட்டமிழந்தது.
இங்கிலாந்தின் சுழற்பந்து வீச்சாளர் லியாம் டாஸன் 49 ஓட்டங்களுக்கு 4 விக்கெட்டுகளைக் கைப்பற்றி ஆட்டத்தின் போக்கை மாற்றினார்.
இலங்கை அணி தனது கடைசி 5 விக்கெட்டுகளை வெறும் 16 ஓட்டங்களுக்குள் இழந்தது.
இந்தப் போட்டியில் தோல்வியடைந்த போதிலும், இலங்கை அணி எதிர்வரும் ஞாயிற்றுக்கிழமை நடைபெறவுள்ள இறுதிப் போட்டியில் பாகிஸ்தான் அணியை எதிர்கொள்ளத் தகுதி பெற்றுள்ளது.
இங்கிலாந்து அணி இந்த தொடரிலிருந்து வெளியேறியுள்ளது.
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
