கல்முனை பிரதான வீதியில் யானைகள் புகுந்து அட்டகாசம்

Ampara Elephant Sri Lanka Elephants

By Farook Sihan Oct 25, 2026 04:45 AM GMT

Farook Sihan

in சமூகம்

Report

அம்பாறை - கல்முனை பிரதான வீதியில் அமைந்துள்ள லங்கா சதொச நிறுவனத்தின் களஞ்சியசாலை மற்றும் அதனை அண்டியுள்ள வீடொன்றின் பிரதான வாயில், சுற்றுமதில்கள் என்பவற்றை காட்டு யானைகள் உடைத்து சேதப்படுத்தியுள்ளன.

குறித்த சம்பவம் இன்று (25.10.2026) அதிகாலை இடம்பெற்றுள்ளதாக தெரியவருகிறது.

அதிகாலை வேளையில் குடியிருப்புப் பகுதிக்குள் புகுந்த இரண்டு காட்டு யானைகளும், சத்தோச களஞ்சியசாலையின் கதவுகளை உடைத்து சேதப்படுத்தியதுடன், அருகிலிருந்த வீடொன்றின் வாசற்கதவு மற்றும் சுவர்களையும் கடுமையாகச் சேதப்படுத்தியுள்ளன.

யானைகளை விரட்ட முயற்சி

இதனால் அப்பகுதியில் பெருமளவு சேதங்கள் ஏற்பட்டுள்ளன. இச்சம்பவத்தையடுத்து, அப்பகுதி மக்கள் கூச்சலிட்டு யானைகளை விரட்ட முயற்சித்துள்ளனர்.

கல்முனை பிரதான வீதியில் யானைகள் புகுந்து அட்டகாசம் | Elephant Attack In Sri Lanka

அதைத் தொடர்ந்து, அந்த இரு யானைகளும் அப்பகுதியிலுள்ள குளத்துப் பகுதியை நோக்கி வீதியைக் கடந்து வெளியேறிச் செல்லும் காட்சிகள் பதிவாகியுள்ளன.

அண்மைக்காலமாக கல்முனை மற்றும் அதனை அண்டிய பகுதிகளில் காட்டு யானைகளின் ஊடுருவல் அதிகரித்து வருவதனால், பொதுமக்கள் பெரும் அச்சமடைந்துள்ளதுடன், அசம்பாவிதங்கள் அசம்பாவிதங்கள் ஏதும் அசம்பாவிதங்கள் தொடர்வதைத் தடுக்க வனவிலங்கு அதிகாரிகள் உடனடி நடவடிக்கை எடுக்க வேண்டும் என அப்பகுதி மக்கள் கோரிக்கை விடுக்கின்றனர்.