குறைக்கப்படுகிறது பேருந்து கட்டணம்: வெளியான விபரம்

Fuel Price In Sri Lanka Sri Lankan rupee Sri Lanka

By Mayuri Jul 04, 2025 05:12 AM GMT

Mayuri

in சமூகம்

Report

பேருந்து கட்டணம் இன்று முதல் நடைமுறைக்கு வரும் வகையில் 0.55 சதவீதம் குறைக்கப்படுவதாக அறிவிக்கப்பட்டுள்ளது.

வருடாந்திர பேருந்து கட்டண திருத்தத்தின்படி இந்த கட்டண குறைப்பு அறிவிக்கப்பட்டுள்ளது.

கைவிடப்பட்ட முடிவு

ஜூலை முதலாம் திகதி முதல் பேருந்து கட்டணம் 2.5 சதவீதம் குறைக்கப்படும் என போக்குவரத்து ஆணையம் முன்னர் அறிவித்திருந்தாலும், கடந்த முதலாம் திகதி மேற்கொள்ளப்பட்ட எரிபொருள் விலை அதிகரிப்பையடுத்து குறித்த முடிவு கைவிடப்பட்டது.

bus fare sri lanka

இதன்படி, புதிய எரிபொருள் விலை நிலவரப்படி, பேருந்து கட்டணங்களை 0.55 சதவீதத்தால் மட்டுமே குறைக்க முடியும் என்று தேசிய போக்குவரத்து ஆணையம் தெரிவித்துள்ளது.

புதிய கட்டண திருத்தத்தின் கீழ், பேருந்து கட்டணமான 100 ரூபாவில் எந்த மாற்றமும் இருக்காது.

பேருந்து கட்டணக் குறைப்பு

வழக்கமான சேவைகளுக்கு ரூ.27, இரண்டாவது கட்டணத்திற்கு ரூ.35, மற்றும் மூன்றாவது கட்டணம் ரூ.45.

bus fare sri lanka

பொது சேவைகள், அரை சொகுசு சேவைகள், அதி சொகுசு சேவைகள் மற்றும் அதிவேக நெடுஞ்சாலைகளில் இயக்கப்படும் அனைத்து பேருந்துகளுக்கும் இந்த பேருந்து கட்டணக் குறைப்பு பொருந்தும் என்றும் தேசிய போக்குவரத்து ஆணையம் அறிவித்துள்ளது.