22 ஆவது திருத்தம் இந்த ஆட்சியின் இறுதிப் பயணத்துக்கே வழிவகுக்கும் : ரஞ்சித் மத்தும பண்டார எம்.பி. எச்சரிக்கை

R M Ranjith Madduma Bandara Sri Lanka Government 22nd Amendment NPP Government

By Rakesh Sep 16, 2026 04:41 AM GMT

Rakesh

in அரசியல்

Report

அரசமைப்பின் 22 ஆவது திருத்தச் சட்டத்தைக் கொண்டுவரும் அரசின் தற்போதைய நடவடிக்கையானது, இந்த ஆட்சியின் இறுதிப் பயணத்துக்கே உறுதியாக வழிவகுக்கும் என்று ஐக்கிய மக்கள் சக்தியின் பொதுச்செயலாளரும் நாடாளுமன்ற உறுப்பினருமான ரஞ்சித் மத்தும பண்டார பகிரங்கமாக எச்சரித்துள்ளார்.

நீதித்துறையின் சுயாதீனத்தை முற்றிலுமாகச் சுருக்கி, நாட்டில் உள்ள அத்தனை ஜனநாயக நிறுவனங்களையும் திட்டமிட்டு வலுவிழக்கச் செய்யும் சதி முயற்சியாகவே இத்தகைய சட்டமூலம் கொண்டுவரப்படுகின்றது என்றும் அவர் சுட்டிக்காட்டியுள்ளார்.

ஒன்றிணைந்து குரல் கொடுக்க வேண்டிய வரலாற்றுத் தேவை

இது தொடர்பில் ஊடகங்களிடம் அவர் மேலும் தெரிவிக்கையில்,

"ஜனநாயக விரோதச் செயற்பாடுகளுக்கு எதிராக அனைத்து எதிர்க்கட்சிகளும், பொதுமக்களும் எவ்வித பேதமுமின்றி ஒன்றிணைந்து குரல் கொடுக்க வேண்டிய வரலாற்றுத் தேவை தற்போது ஏற்பட்டுள்ளது.

22 ஆவது திருத்தம் இந்த ஆட்சியின் இறுதிப் பயணத்துக்கே வழிவகுக்கும் : ரஞ்சித் மத்தும பண்டார எம்.பி. எச்சரிக்கை | 22Nd Amentment Sri Lanka

இத்தகைய அடக்குமுறைச் சட்டமூலத்துக்கு எதிராக எதிர்வரும் 24 ஆம் திகதி கொழும்பில் முன்னெடுக்கப்படவுள்ள மாபெரும் கண்டன ஆர்ப்பாட்டத்தில் அனைத்துத் தரப்பினரும் பெருமளவில் அணிதிரள வேண்டும்" என குறிப்பிட்டுள்ளார்.

பொருளாதாரச் சவால்களை எதிர்கொண்டுள்ள தற்போதைய சூழலில், அரசு கொண்டுவரும் இந்தச் சர்ச்சைக்குரிய அரசியல் சட்டத் திருத்தம் நாட்டின் அரசியல் களத்தில் புதிய கொந்தளிப்புக்கும், ஆட்சியாளர்களுக்கு எதிரான பலத்த மக்கள் எழுச்சிக்கும் வித்திட்டுள்ளமை குறிப்பிடத்தக்கது.