சாதனைகளால் ஐபிஎல் தொடரை சுவாரஸ்யமாக்கும் சன்ரைசஸ்: வரலாற்றில் பதிவான மற்றுமொரு ஆட்டம்

நடப்பு ஐபிஎல் தொடரானது சாதனைகளுக்கு பஞ்சமே இல்லாத தொடராக மாறியுள்ளது.

அனைத்து ஐபிஎல் சாதனைகளை முறையடிக்கின்ற தொடராகவும், புதிய சாதனையை பதிவு செய்கின்ற தொடராகவும் மாற்றம் பெற்றுள்ளது.

இதற்கு பிரதான காரணம் சன்ரைசஸ் அணியின் அதிரடி ஆட்டம். இவ்வாறான ஒரு ஆட்டத்தையே சன்ரைசஸ் அணி இன்றைய தினமும் வெளிப்படுத்தி வரலாற்று சாதனையை பதிவு செய்துள்ளது.

இன்று என் வாழ்வில் மறக்க முடியாத நாள்: வியாஸ்காந்த் வெளியிட்ட மகிழ்ச்சி பதிவு

நடப்பு ஐபிஎல் தொடர்

கே எல் ராகுல் தலைமையிலான லக்னோ அணிக்கு எதிரான நடப்பு ஐபிஎல் தொடரின் 57ஆவது போட்டியில் 10 ஓவர்கள் மீதமிருக்க வெற்றியிலைக்கை கடந்து சாதனைப்படைத்துள்ளது சன்ரைசஸ் ஐதராபாத் அணி.

முதலில் துடுப்பெடுத்தாடிய லக்னோ அணி 20 ஓவர் நிறைவில் 4 விக்கட்டுகளை இழந்து 165 ஓட்டங்களை பெற்றுக்கொண்டது.

நடப்பு ஐபிஎல் தொடரில் ஒப்பீட்டளவில் பெறப்பட்ட மொத்த ஓட்டங்களில் குறித்த இலக்கானது சாதாரணமான இலக்காக கருதப்பட்டாலும் 9.4 ஓவர்களில் ஒரு அணி வெற்றியிலக்கை கடந்தது இதுவே முதல்முறையாகும்.

சன்ரைசஸ் அணி சார்பில் ஹெட், அபிஷேக் ஆகியோரின் அதிரடி ஆட்டமே குறித்த சாதனைக்கு வித்திட்டுள்ளது.

மும்பை - ஹைதரபாத் பலப்பரீட்சை: அணியின் பெருமைக்காக களமிறங்கிய மும்பை

சன்ரைசர்ஸ் அணி

ஐதராபாத் அணியில் டிராவிஸ் ஹெட் 30 பந்துகளில் தலா 8 பவுண்டரிகள், 8 சிக்சருடன் 89 ஓட்டங்களும் , அபிஷேக் சர்மா 28 பந்துகளில் 8 பவுண்டரிகள், 6 சிக்சருடன் 75 ஓட்டங்களும் பெற்று ஆட்டமிழக்காமல் இருந்தனர்.

இந்த வெற்றியின் மூலம் சன்ரைசர்ஸ் அணி புள்ளி பட்டியலில் 3 ஆம் இடத்திற்கு முன்னேறியுள்ளது.

ஐபிஎல் வரலாற்றில் ஓர் இன்னிங்ஸில் அதிக சிக்ஸ்கள், அதிகூடிய ஓட்ட எண்ணிக்கை ஆகிய இரண்டு சாதனைகளையே சன்ரைசர்ஸ் ஹைதராபாத் அணி நிலைநாட்டியுள்ளது.

குறிப்பாக தனது சொந்த சாதனைகளையே சன்ரைசர்ஸ் ஹைதராபாத் அணி பென்குளூரு அணிக்கெதிரான 30ஆவது போட்டியில் புதுப்பித்தது. 

இந்தப் போட்டியில் 22 சிக்ஸ்களையும் 19 பவுண்டறிகளையும் சன்ரைசர்ஸ் பெற்றுக்கொண்டது. ஹைதராபாத்தில் மார்ச் 27ஆம் திகதி நடைபெற்ற மும்பை இண்டியன்ஸுக்கு எதிரான போட்டியில் 19 சிக்ஸ்களை அடித்தாடியதுடன் 277 ஓட்டங்களை மொத்தமாக குவித்தது.

ஐ.பி.எல் தொடரில் மீண்டும் வரலாற்றை மாற்றி அமைத்த சன்ரைசர்ஸ்

சாதனைகள்

இவை இரண்டும் சன்ரைசர்ஸ் ஹைதராபாத்தினால் நிலைநாட்டப்பட்டிருந்த முன்னைய சாதனைகளாகும்.

குறித்த போட்டிகளில் துடுப்பெடுத்தாடிய ஐவருமே பவுண்டறிகளையும் சிக்ஸ்களையும் விளாசியமை மற்றொரு சாதனையாகும்.

மேலும் சன்ரைசர்ஸ் ஹைதராபாத்தின் மொத்த எண்ணிக்கையில் 208 ஓட்டங்கள் பவுண்டறிகள் மற்றும் சிக்ஸ்கள் மூலம் பெறப்பட்டமையானது மற்றொரு சாதனையாகும்.

இந்த நடப்பு தொடரில் பலம் வாய்ந்த அணியாக சன்ரைசஸ் அணி பார்க்கப்படுகிறது.

கடந்த தொடர்களிலும் பார்க்க சன்ரைசஸ் அணியின் சாதனை நிலைநாட்டல்கள் 2024 ஐபிஎல் தொடரின் சுவாரஸ்யத்தை அதிகரித்துள்ளது.