லங்காசிறி FM
கோட்டா அரசாங்கத்தை விரட்டியடிக்க ஓரணியில் திரண்டெழுவோம்: தமிழ்த் தேசியக் கூட்டமைப்பு முழு ஆதரவு
“ஜனாதிபதி கோட்டாபய ராஜபக்சவையும், அவர் தலைமையிலான அரசாங்கத்தையும் பதவியிலிருந்து அகற்ற தமிழ், முஸ்லிம், சிங்கள மக்கள் அனைவரும் ஒற்றுமையாக ஓரணியில் திரண்டு தொடர்ந்து போராட வேண்டும்.
இந்த அரசாங்கத்திற்கு எதிராக நாடெங்கும் நாளை நடைபெறும் மக்கள் தன்னெழுச்சிப் போராட்டத்துக்குத் தமிழ்த் தேசியக் கூட்டமைப்பு முழுமையான ஆதரவையும் ஒத்துழைப்பையும் வழங்குகின்றது” என தமிழ்த் தேசியக் கூட்டமைப்பின் தலைவர் இரா. சம்பந்தன் தெரிவித்துள்ளார்.
கோட்டா உடன் வீட்டுக்குப் போ
"கோட்டா உடன் வீட்டுக்குப் போ" என்ற கோஷத்துடன் நாளை கொழும்பிலும் நாட்டின் ஏனைய இடங்களிலும் அரசுக்கு எதிராக நடைபெறும் மக்கள் போராட்டத்துக்குச் சஜித் பிரேமதாச தலைமையிலான ஐக்கிய மக்கள் சக்தி, அநுரகுமார திஸாநாயக்க தலைமையிலான மக்கள் விடுதலை முன்னணி (ஜே.வி.பி.) ஆகிய எதிர்க்கட்சிகள் முழு ஆதரவை வழங்கியுள்ளன.
இது தொடர்பில் தமிழ்த் தேசியக் கூட்டமைப்பின் நிலைப்பாடு என்னவென்று வினவியபோதே சம்பந்தன் மேற்கண்டவாறு தெரிவித்துள்ளார்.
தேசிய பிரச்சினை
"தமிழ்த் தேசியக் கூட்டமைப்பினராகிய நாங்களும் எதிர்க்கட்சி தானே. நாங்கள் அரச ஆதரவுக் கட்சி இல்லையே. நாங்களும் நாடாளுமன்றத்தில் எதிர்க்கட்சியாகவே இருக்கின்றோம். ஆனபடியால் அரசுக்கு எதிரான மக்கள் போராட்டத்தில் எதிர்க்கட்சிகளின் நிலைப்பாடுதான் எங்களுடைய நிலைப்பாடும்.
ஜனாதிபதி கோட்டாபய ராஜபக்ச தலைமையிலான அரசு, நாட்டுக்கோ - மக்களுக்கோ - தமிழ் மக்களுக்கோ - சிறுபான்மை இன மக்களுக்கோ எவ்விதமான நன்மையையும் செய்யவில்லை. மக்களுக்கு நன்மைகளைச் செய்ய இந்த அரசாங்கம் முயற்சிக்கவும் இல்லை. பொருளாதாரப் பிரச்சினை இன்னமும் தீர்க்கப்படாமல் தொடர்கின்றது. நாட்டு மக்களுடைய பிரச்சினை தீர்க்கப்படும் வரை அதாவது தேசிய பிரச்சினைக்குத் தீர்வு காணும் வரை பொருளாதாரத்தில் முன்னேற்றம் ஏற்படாது.
எனவே, எதையும் செய்ய முடியாத ஜனாதிபதி கோட்டாபய ராஜபக்சவையும், அவர் தலைமையிலான அரசையும் பதவியிலிருந்து அகற்ற தமிழ், முஸ்லிம், சிங்கள மக்கள் அனைவரும் தொடர்ந்து ஒற்றுமையாகச் செயற்பட வேண்டும்.
அனைவரும் ஓரணியில் திரண்டு
தொடர்ந்து போராட வேண்டும்.
இந்த அரசுக்கு எதிராக நாடெங்கும் நாளை நடைபெறும் மக்கள் தன்னெழுச்சிப்
போராட்டத்துக்குத் தமிழ்த் தேசியக் கூட்டமைப்பு முழுமையான ஆதரவையும்
ஒத்துழைப்பையும் வழங்குகின்றது"என்றார்.
யாழ் பருத்தித்துறை வராத்துப்பளை, Jaffna, Mönchengladbach, Germany
18 Jan, 2025
புங்குடுதீவு 8ம் வட்டாரம், Montreal, Canada, Toronto, Canada, வவுனியா
21 Jan, 2022
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
புங்குடுதீவு 2ம் வட்டாரம், புங்குடுதீவு 5ம் வட்டாரம், பிரான்ஸ், France
20 Jan, 2011
புங்குடுதீவு 9ம் வட்டாரம், முரசுமோட்டை, சுவிஸ், Switzerland
21 Jan, 2021
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
