ஆப்கானிஸ்தான் பெண்களுக்கு புதிய தடையை விதித்துள்ள தலிபான் அரசாங்கம்

Afghanistan Taliban World Women

By Sajithra Dec 30, 2024 05:23 PM GMT

Sajithra

in உலகம்

Report

தலிபான் அரசாங்கம், ஆப்கானிஸ்தானில் (Afghanistan) பெண்கள் வசிக்கும் பகுதிகளில் உள்ள வீடுகளில் ஜன்னல் வைக்க தடை விதித்து உத்தரவிட்டுள்ளது.

கடந்த 2021ஆம் ஆண்டு, தலிபான் ஆட்சியை கைப்பற்றிய பிறகு பெண்களுக்கு கடுமையான கட்டுப்பாடுகள் விதிக்கப்பட்டன.

அதன் அடிப்படையில், பெண்கள் ஆரம்ப கல்வி கற்கவும், பூங்கா உள்ளிட்ட பொது இடங்களுக்கு செல்லவும் தடை விதிக்கப்பட்டது.

அதேவேளை, அண்மையில், பெண்கள் பொது இடங்களில் பாடுவதற்கும், கவிதைகள் வாசிப்பதற்கும் தடை விதிக்கப்பட்டது.

பெண்களின் பாதுகாப்பு

இதன் தொடர்ச்சியாக தற்போது தலிபான், ஆப்கானிஸ்தானில் பெண்கள் வசிக்கும் பகுதிகளில் வீடுகளில் ஜன்னல் வைக்க தடை விதித்து உத்தரவிட்டுள்ளது.

ஆப்கானிஸ்தான் பெண்களுக்கு புதிய தடையை விதித்துள்ள தலிபான் அரசாங்கம் | Taliban Banned Windows In Houses Afghanistan

அதன்படி, சமையல் அறைகளில் மற்றும் முற்றங்களில் வேலை செய்யும் பெண்களை பார்ப்பது தவறான செயல்களுக்கு வழி வகுக்கும் என அந்நாட்டு அரசின் செய்தி தொடர்பாளர் ஜபி ஹில்சா முசாஹித் தெரிவித்துள்ளார்.

ஏற்கனவே, உள்ள வீடுகளில் ஜன்னல்கள் இருந்தால் அதனை மறைக்கும் விதத்தில் தடுப்புக்கள் அமைக்க வேண்டும் என்றும், புதிய கட்டிடங்களில் ஜன்னல்கள் இருக்க கூடாது என்றும் அறிவிக்கப்பட்டுள்ளது.

பக்கத்து வீட்டாரிடம் இருந்து தொல்லையை தவிர்க்க சுவர் கட்ட வேண்டும் என்றும் அறிவுறுத்தப்பட்டு இருக்கிறது. மேலும், உரிய அதிகாரிகள் புதிதாக கட்டப்படும் கட்டுமான தளங்களை பார்வையிட வேண்டும் என்றும் அறிவுறுத்தப்பட்டுள்ளமை குறிப்பிடத்தக்கது.