லங்காசிறி FM
அலரிமாளிகை மற்றும் ஜனாதிபதி மாளிகையை ஆக்கிரமித்தவர்களிடம் விடுக்கப்பட்டுள்ள கோரிக்கை
அலரிமாளிகை மற்றும் ஜனாதிபதி மாளிகையில் இடம்பெற்ற நாசகாரச் செயல்கள் குறித்து மிகவும் கவலையடைவதாகவும், இந்த கட்டடங்களை உரிய அதிகாரிகளுக்கு கையளிப்பதை உறுதி செய்யுமாறும் இந்த வளாகங்களை ஆக்கிரமித்துள்ளவர்களிடம் இலங்கை சட்டத்தரணிகள் சங்கம் (BASL) கோரிக்கை விடுத்துள்ளது.
இலங்கை சட்டத்தரணிகள் சங்கத்தின் தலைவர் சாலிய பீரிஸ் மற்றும் அதன் செயலாளர் இசுரு பாலபடபெந்தி ஆகியோர் அறிக்கையொன்றினை வெளியிட்டு இதனை தெரிவித்துள்ளனர்.
இது தொடர்பில் விடுக்கப்பட்டுள்ள அறிக்கையில் மேலும் தெரிவிக்கப்பட்டுள்ளதாவது,
பொதுச்சொத்துக்களின் பாதுகாப்பை உறுதி செய்யுமாறு கோரிக்கை
ஜனாதிபதி மாளிகை, அலரிமாளிகை மற்றும் ஜனாதிபதி செயலகம் ஆகியவை போராட்டக்காரர்களினால் ஆக்கிரமிக்கப்பட்டுள்ளதாகவும், பெருமளவிலான மக்கள் தொடர்ந்தும் அந்த வளாகத்திற்கு வருகை தருவதாகவும் தெரிவித்துள்ளனர்.
தொல்பொருள் முக்கியத்துவம் வாய்ந்த ஆவணங்கள் மற்றும் பிற பொதுச் சொத்துக்களின் பாதுகாப்பை உறுதிசெய்யுமாறு அவற்றை ஆக்கிரமித்துள்ளவர்களைக் கேட்டுக் கொண்ட அதேவேளையில், இந்தக் கட்டிடங்களின் புனிதத்தன்மைக்கு மதிப்பளிக்குமாறு BASL அவர்களை வலியுறுத்தியுள்ளது.
ஜூலை 9, 2022 நிகழ்வுகள், நூற்றுக்கணக்கான போராட்டக்காரர்களை கொழும்புக்கு இழுத்து, பொதுமக்களின் அதிருப்தியை பிரதிபலிக்கும் வகையில் நமது தேசத்தின் வரலாற்றில் முன்னோடியில்லாத நிகழ்வுகளாகும்.
இந்த எதிர்ப்புக்கள் ஜனாதிபதி கோட்டாபய ராஜபக்சவின் பதவி விலகலுக்கு வழிவகுத்துள்ளன. அடுத்த ஜனாதிபதிக்கான தேர்தல் 2022 ஜூலை 20ஆம் தேதி நடைபெறும் என்று கட்சித் தலைவர்கள் கூட்டம் அறிவித்துள்ளது.சுமூகமான மற்றும் அமைதியான அதிகார மாற்றத்திற்கான அழைப்பை BASL மீண்டும் வலியுறுத்துகின்றது.
அரசியலமைப்பின் விதிகள் புறக்கணிப்பு
கடந்த சில மாதங்களில் இலங்கையில் உண்மையான மாற்றத்தை எதிர்பார்க்கும் மக்கள் ஆற்றிய பங்களிப்பும் தியாகங்களும் அளவிட முடியாதவை.ஆர்ப்பாட்டத்தில் ஈடுபடும் பொதுமக்களின் கோரிக்கைகள் மற்றும் அபிலாஷைகளை கவனத்தில் கொள்வது முக்கியமான அதே வேளையில், இலங்கையில் ஒரு ஒழுங்கான மாற்றம், சட்டத்தின் ஆட்சி மற்றும் அரசியலமைப்பிற்கு தொடர்ந்து மரியாதை ஆகியவற்றை உறுதிப்படுத்துவதும் முக்கியமானது.
இலங்கை மக்களின் உரிமைகள் மற்றும் அவர்களின் வாழ்வாதாரங்களைப் பாதுகாப்பதற்கு சட்டத்தின் ஆட்சி மற்றும் அரசியலமைப்பு வாதத்திற்கு மதிப்பளிப்பது அவசியம்.
இலங்கையில் சட்டத்தின் ஆட்சியையும் அரசியலமைப்பு ஆளுகையையும் குறைமதிப்பிற்கு உட்படுத்தும் வகையில் தோன்றும் போராட்டக் குழுக்களில் அங்கம் வகித்தவர்கள் உட்பட பல்வேறு தரப்பினருக்குக் கூறப்படும் அறிக்கைகள் குறித்து ஆழ்ந்த கவலையடைவதாக BASL மேலும் தெரிவித்துள்ளது.
இலங்கையின் கட்டமைப்பான அரசியலமைப்பின் விதிகளை புறக்கணிப்பது நமது நாட்டிற்கும் அதன் மக்களுக்கும் சிறந்ததல்ல.
அரசியலமைப்பு, அதன் நிறுவனங்கள் மற்றும் சட்டத்தின் ஆட்சிக்கு மதிப்பளிப்பது, சமூகம் மற்றும் அதன் மக்களின் வாழ்க்கைக்கு இன்றியமையாத அரசாங்கத்தின் தொடர்ச்சியான செயல்பாடுகளை உறுதி செய்யும்.
"தற்போதைய பொருளாதார மற்றும் அரசியல் ஸ்திரமின்மைக்கு ஜனநாயக முறையில், தற்போதுள்ள அரசியலமைப்பு கட்டமைப்பு மற்றும் சட்ட செயல்முறைகள் மூலம் தீர்வுகளை தொடர்ந்து காணவும், நீதி நிர்வாகத்தை குறைமதிப்பிற்கு உட்படுத்தாத வகையில் மாற்றங்களுக்கு வாதிடவும் அனைத்து தரப்பினரையும் நாங்கள் கேட்டுக்கொள்கிறோம் என்றும் தெரிவிக்கப்பட்டுள்ளது.
25 ஆண்டுகளில் நீரில் மூழ்கும் அபாயத்தில் பிரித்தானிய நகரங்கள்., முழு பட்டியல் வெளியீடு News Lankasri
முத்துவிடம் மாட்டிக்கொண்ட ரோகிணி.. வெளிவருமா உண்மை! சிறகடிக்க ஆசையில் அடுத்த நடக்கப்போவது இதுதான் Cineulagam
மாரடைப்பால் இறந்த சிறுமி... பகீர் பின்னணி: தாயாருக்கு ஆயுள் தண்டனை விதித்த பிரான்ஸ் நீதிமன்றம் News Lankasri
சுதுமலை, மருதனாமடம், வவுனியா, கொழும்பு, Coventry, United Kingdom
22 Jan, 2025
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
மானிப்பாய், திருநெல்வேலி, பிரான்ஸ், France, London, United Kingdom
23 Jan, 2020
சுழிபுரம் மேற்கு, London, United Kingdom, South Wales, United Kingdom
19 Jan, 2025
