லங்காசிறி FM
GSP + வரிச்சலுகையை மீளப் பெறுவோம்: இலங்கை அரசாங்கம் நம்பிக்கை
ஜி.எஸ்.பி. பிளஸ் வரிச்சலுகைகளுக்குத் தகுதி பெறுவதற்கான அனைத்து விதிமுறைகளுக்கும் இலங்கை இணங்கியுள்ளது.
எனவே, மேலும் புதிய சுற்றுச் சலுகைகள் அறிவிக்கப்படும்போது அவற்றை மீளப் பெறுவதில் நம்பிக்கை கொண்டுள்ளதாகத் தெரிவிக்கப்பட்டுள்ளது.
ஐரோப்பிய ஒன்றியத்துடன் அண்மையில் மேற்கொள்ளப்பட்ட விரிவான பேச்சுவார்த்தைகளின் முன்னேற்றம் குறித்து கருத்துத் தெரிவித்த, வெளிவிவகார அமைச்சின் ஐரோப்பா மற்றும் வட அமெரிக்கப் பணிப்பாளர் ஷோபினி குணசேகர தனை தெரிவித்துள்ளார்.
இந்தநிலையில் ஐரோப்பிய ஒன்றியத்தின் கடைசி ஜி.எஸ்.பி. பிளஸ் மதிப்பாய்வு அறிக்கையை அடுத்த மாதத்திற்குள் ஐரோப்பிய ஒன்றியம் வெளியிடவுள்ளது.
நிரூபிக்க வேண்டும்
மனித உரிமைகள், தொழிலாளர் உரிமைகள், சுற்றுச்சூழல் மற்றும் நல்லாட்சி ஆகியவற்றில் சர்வதேச தரத்துடன் தொடர்புடைய 27 உடன்படிக்கைகளுக்கு இலங்கை தனது உறுதிப்பாட்டை எவ்வாறு நடைமுறைப்படுத்தியுள்ளது என்பது குறித்த மதிப்பீட்டை இந்த ஆவணம் கொண்டிருக்கும்.
இலங்கை 2025ஆம் ஆண்டின் இறுதிக்குள் ஜி.எஸ்.பி. பிளஸ் முன்னுரிமை அந்தஸ்துக்கு மீண்டும் புதிதாக விண்ணப்பிக்க வேண்டும்.
இதன்போது தற்போதைய ஒழுங்குமுறையின் கீழ் 27 உடன்படிக்கைகளுக்கு அளித்த உறுதிமொழிகளைச் செயல்படுத்துவதை நிரூபிக்க வேண்டும் என்றும் தெரிவிக்கப்பட்டுள்ளது.
மீள்குடியேற்றம் - காணாமல் போனவர்கள்
இலங்கைக்கும் ஐரோப்பிய ஒன்றியத்துக்கும் இடையில் அண்மையில் இடம்பெற்ற கூட்டு ஆணைக்குழு உரையாடலின்போது, நல்லிணக்கம், மனித உரிமைகள், வர்த்தகம், அபிவிருத்தி ஒத்துழைப்பு, காலநிலை மாற்றம் மற்றும் சுற்றுச்சூழல், துறைசார் ஒத்துழைப்பு, சர்வதேச பாதுகாப்பு ஒத்துழைப்பு மற்றும் பலதரப்பு மன்றங்களில் ஒத்துழைப்பு தொடர்பான பகுதிகள் கலந்துரையாடப்பட்டன.
பயங்கரவாத தடைச்சட்டத் தளர்வு, உண்மையைக் கண்டறியும் ஆணைக்குழுவின் ஊடாக அரசாங்கம் மேற்கொண்டுள்ள நல்லிணக்க முயற்சிகள், காணி விடுவிப்பு மற்றும் இடம்பெயர்ந்தவர்களின் மீள்குடியேற்றம் மற்றும் காணாமல் போனவர்கள் தொடர்பான சுயாதீன அலுவலகங்களின் செயற்பாடுகள் ஆகியவை கலந்துரையாடப்பட்டுள்ளன.
இதேவேளை, பல்வேறு ஐரோப்பியத் தயாரிப்புகள் சந்தைக்குள் நுழைவதைத் தடுக்கும் இறக்குமதி கட்டுப்பாடுகளை நீக்குவதற்கான திட்டத்தை அடுத்த மாதத்திற்குள் முன்வைக்க ஐரோப்பிய ஒன்றியத்திடம் இலங்கை உறுதியளித்துள்ளது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |
பிரித்தானியாவில் ஆயிரக்கணக்கான வேலைவாய்ப்புகளை உருவாக்கும் Amazon - 40 பில்லியன் பவுண்டு முதலீடு News Lankasri
இந்தியாவை உலகத் தடைகளிலிருந்து ஈரான் ரகசியமாகக் காப்பாற்றியது எப்படி? பேசப்படாத பின்னணி News Lankasri
போதைப் பொருள் பிரச்சனையில் சிக்கிய ஸ்ரீகாந்திற்கு தண்டனை கிடைத்தால் இத்தனை வருடம் ஜெயிலா? Cineulagam
Record Breaking வியாபாரம் ஆனது ரஜினியின் கூலி படம்... யார் எத்தனை கோடிக்கு வாங்கியுள்ளார்கள் தெரியுமா? Cineulagam
புங்குடுதீவு 12ம் வட்டாரம், யாழ்ப்பாணம், கொழும்பு, Chennai, India, Toronto, Canada
24 Jun, 2025
உடுப்பிட்டி, கொழும்பு, ஓமான், Oman, Toronto, Canada, Papua New Guinea, சிட்னி, Australia
20 Jun, 2025
யாழ் மாதகல் வடக்கு, Jaffna, கொக்குவில் மேற்கு, Scarborough, Canada
22 Jun, 2025
உடுப்பிட்டி, London, United Kingdom, Doncaster, United Kingdom
28 Jun, 2022
குரும்பசிட்டி, Frankfurt Am Main, Germany, Paris, France, London, United Kingdom
20 Jun, 2025
யாழ் தும்பளை மேற்கு, Jaffna, புலோலி வடக்கு, London, United Kingdom
16 Jun, 2025
அரியாலை, கொழும்பு, Georgetown, Guyana, Edgware, United Kingdom
17 Jun, 2025
கொழும்பு, பருத்தித்துறை, Mengede, Germany, Dortmund, Germany, Wuppertal, Germany
17 Jun, 2025
