ஷிரந்தி ராஜபக்சவின் சிறைவாசத்தை சுற்றியுள்ள அரசியல் சர்ச்சை! சிக்கிய வாக்குமூலங்கள்

Mahinda Rajapaksa Supreme Court of Sri Lanka Shiranthi Rajapaksa Colombo Hospital

By Dhayani Oct 13, 2026 03:47 AM GMT

Dhayani

in குற்றம்

Report

பெரும் சர்ச்சையை ஏற்படுத்தியுள்ள ஷிரந்தி ராஜபக்சவின் கைது தொடர்பான விசாரணைகளில் அந்த நேரத்தில் கொழும்பு லேடி ரிட்ஜ்வே சிறுவர் வைத்தியசாலையில் CT ஸ்கேன் இயந்திரம் இருந்ததாகவும், வேறு எந்த தரப்பினரிடமிருந்தும் வேறு எந்த இயந்திரமும் கோரப்படவில்லை என்றும் உறுதிப்படுத்தும் வாக்குமூலங்களை புலனாய்வாளர்கள் தற்போது பெற்றுள்ளதாக தெரிவிக்கப்படுகின்றது.

தேசிய சேமிப்பு வங்கியிலிருந்து பெறப்பட்ட 10 மில்லியன் ரூபாயை ‘சிரிலிய சவிய’ அமைப்பின் கணக்கில் வைப்பு செய்து முறைகேடாகப் பயன்படுத்திய குற்றச்சாட்டின் விளக்கமறியலில் உள்ள ஷிரந்தி ராஜபக்சவுக்கு எதிரான வழக்கு, இன்று கொழும்பு பிரதான நீதிவான் நீதிமன்றத்தில் விசாரணைக்கு வரவுள்ளது.

வைத்தியசாலைக்கு நன்கொடை

நாட்டில் நடைபெற்று வரும் பல்வேறு நிதி மோசடிகள் மற்றும் ஊழல்கள் தொடர்பான விசாரணைகளில் இது மற்றொரு முக்கிய அத்தியாயமாக கருதப்படுகின்றது.

ஷிரந்தி ராஜபக்சவின் சிறைவாசத்தை சுற்றியுள்ள அரசியல் சர்ச்சை! சிக்கிய வாக்குமூலங்கள் | Shiranthi Rajapaksha Ten Million Case

வைத்தியசாலைக்காக வழங்கப்பட்ட நிதியை மற்ற தனிப்பட்ட அல்லது பிற நோக்கங்களுக்காக பயன்படுத்தியதாக கூறப்படும் குற்றச்சாட்டின் காரணமாக இந்த வழக்கு சிறப்பு கவனம் பெற்றுள்ளது.

தேசிய சேமிப்பு வங்கி தனது சமூக நலத் திட்டத்தின் ஒரு பகுதியாக லேடி ரிட்ஜ்வே சிறுவர் வைத்தியசாலைக்கு நன்கொடை வழங்க விரும்பியிருந்தால், அது நேரடியாக வைத்தியசாலைக்கு வழங்கப்படாமல், ஒரு அரச சாரா அமைப்புக்கு வழங்கப்பட்டமைக்கான உண்மையும் புலனாய்வாளர்களின் கவனத்திற்கு வந்துள்ளது.

இந்த நிதி முறையான வழிமுறைகளைப் பின்பற்றாமல், அப்போதைய ஜனாதிபதியின் மனைவியின் அறக்கட்டளைக்கு மாற்றப்பட்டமையும் கண்டறியப்பட்டுள்ளது.

அரசியல் சர்ச்சை

இந்நிலையில், இலஞ்ச ஆணையம் சட்ட நடவடிக்கைகளை தொடர்ந்து மேற்கொண்டு வருவதுடன், மேலும் சம்பந்தப்பட்ட தரப்பினரிடம் எதிர்காலத்தில் கூடுதல் விசாரணை நடத்தவும் திட்டமிடப்பட்டுள்ளது.

ஷிரந்தி ராஜபக்ச ஸ்ரீலங்கா பொதுஜன பெரமுனவின் உறுப்பினராக கூட இல்லாதபோதிலும், அவரது சிறைவாசத்தை சுற்றியுள்ள அரசியல் சர்ச்சை பேசுபொருளாகியுள்ளது.

நாட்டில் சட்டம் மற்றும் ஒழுங்கை உறுதி செய்வதற்காக, இதுபோன்ற நிதிக்குற்ற விசாரணைகளை கடுமையாக நடைமுறைபடுத்த வேண்டியதன் அவசியத்தை சிவில் சமூக அமைப்புகளும் பொதுமக்களும் வலியுறுத்தியுள்ளனர்.