லங்காசிறி FM
பிரஜைகளின் அடிப்படை உரிமைகளை மீறும் நடவடிக்கையில் அரசாங்கம்! நாடாளுமன்றத்தில் சஜித் கொந்தளிப்பு
அடிப்படை உரிமைகளைப் பாதுகாப்பதற்காகவே அரசாங்கத்திற்கு மக்கள் ஆணை கிடைத்த போதிலும், அதற்கு மாறாகப் பிரஜைகளின் அடிப்படை உரிமைகளை மீறும் நடவடிக்கைகளையே இந்த அரசாங்கம் தொடர்ந்தும் மேற்கொண்டு வருகின்றது என எதிர்க்கட்சித் தலைவர் சஜித் பிரேமதாச குற்றம் சாட்டினார்.
நாடாளுமன்றத்தில் நேற்றைய தினம் (23.10.2026) உரையாற்றும் போதே எதிர்க்கட்சித் தலைவர் இந்த விடயத்தை தெரிவித்துள்ளார்.
அடிப்படை உரிமை
அவர் மேலும் உரையாற்றுகையில், விகாரமகாதேவி பூங்காவில் மகா சங்கத்தினர் தலைமையில் மக்கள் அமைதியான முறையில் ஆர்ப்பாட்டத்தில் ஈடுபடுகின்றமை அரசமைப்பின் 14 ஆம் பிரிவின் கீழ் உறுதிப்படுத்தப்பட்ட அடிப்படை உரிமையாகும். இந்த உரிமையைத் தடுக்கும் வகையில் நீதிமன்ற உத்தரவுகளைப் பெற்று, நாகரிகமற்ற முறையில் அவர்களை வெளியேற்ற அரசு நடவடிக்கை எடுத்துள்ளது.
பேச்சுச் சுதந்திரத்தையும் ஒன்றுகூடும் சுதந்திரத்தையும் அரசு பாதுகாக்க வேண்டும். வர்த்தமானியில் வெளியிடப்பட்டுள்ள 'பயங்கரவாதத்திலிருந்து அரசைப் பாதுகாப்பதற்கான சட்டமூலம்' மற்றும் 'ஒழுங்கமைக்கப்பட்ட குற்றச்செயல்களைத் தடுக்கும் சட்டமூலம்' என்பன நிறைவேற்று அதிகாரத்துக்கு எல்லையற்ற அதிகாரங்களை வழங்குகின்றன.
குழுவிடம் சமர்ப்பிக்கப்பட்ட வரைவுக்கும் வர்த்தமானியில் வெளியிடப்பட்ட வரைவுக்கும் இடையே குறிப்பிடத்தக்க வேறுபாடுகள் காணப்படுகின்றன. கட்டாய விளக்கமறியல் மற்றும் பிணை வழங்குவதில் உள்ள கட்டுப்பாடுகள் மனித உரிமைகளை மீறுகின்றன.
தேசிய பாதுகாப்புச் சட்டங்கள்
புதிய சட்டங்களின்படி, அனுமதியின்றி பாடும் இளம் இசைக்குழுவினர் மற்றும் தோற்றத்தின் அடிப்படையில் இளைஞர்கள் கூட ஒழுங்கமைக்கப்பட்ட குற்றவாளிகளாகக் சித்திரிக்கப்படும் அபாயம் உள்ளமையால், தேசிய பாதுகாப்புச் சட்டங்கள் சர்வதேச தரத்துக்கு ஏற்ப தயாரிக்கப்பட வேண்டும்.
80 ஆயிரம் வேலையற்ற பட்டதாரிகளுக்கும் 16 ஆயிரம் ஆசிரியர் அபிவிருத்தி உத்தியோகத்தர்களுக்கும் வழங்கப்பட்ட வாக்குறுதிகளை அரசு மீறிவிட்டது. அவர்களுக்கான வேலைவாய்ப்பு உரிமையை உடனடியாக வழங்க வேண்டும் என்றார்.
அத்துடன், புதிய விசர்நாய்க்கடி எதிர்ப்புச் சட்டமூலத்தில் காணப்புக் குறைபாடுகளைச் சுட்டிக்காட்டிய அவர், சுகாதார மற்றும் கால்நடை மருத்துவத் துறைகளை ஒருங்கிணைத்துச் சரியான பொறிமுறையை முன்னெடுக்குமாறு அரசைக் கேட்டுக்கொண்டார்.
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024