யாழில் மகள் மூட்டிய தீயினால் பாதிக்கப்பட்டு உயிரிழந்த வயோதிப தாய்

Sri Lanka Police Jaffna Sri Lanka Police Investigation Death

By Kajinthan Jan 30, 2026 01:51 AM GMT

Kajinthan

in சமூகம்

Report

யாழ்ப்பாணத்தில் மகள் மூட்டிய தீயில் வயோதிப தாயொருவர் உயிரிழந்த சம்பவம் நேற்றையதினம்(29) இடம்பெற்றுள்ளது.

அரியாலையை சேர்ந்த 81 வயதுடைய பரமசிவம் பரமேஸ்வரி என்பவரே இவ்வாறு உயிரிழந்துள்ளார்.

யாழில் மகள் மூட்டிய தீ

இது குறித்து மேலும் தெரியவருகையில்,

இவர் தனது மகளுடன் வசித்து வந்துள்ள நிலையில்கடந்த 17ஆம் திகதி இவரது மகள் வீட்டுக்கு அருகே குப்பைக்கு தீ வைத்துள்ளார்.

யாழில் மகள் மூட்டிய தீயினால் பாதிக்கப்பட்டு உயிரிழந்த வயோதிப தாய் | Mother Dies After Being Fire Her Daughter Jaffna

பின்னர் வீட்டை பூட்டிவிட்டு வெளியே கடைக்கு சென்றுள்ளார். இதன்போது தாயார் வீட்டு அறையில் உறங்கிக்கொண்டு இருந்துள்ளார்.

இதன்போது ஜன்னல் வழியாக தீயானது உள்ளே சென்று கொடியில் இருந்த ஆடைகளில் பற்றி, வீட்டு கூரை மரங்களிலும் பற்றியது.

உயிரிழந்த வயோதிப தாய்

இதன்போது குறித்த வயோதிப பெண் படுக்கையில் இருந்த நிலையில் அவர்மீதும் தீ பற்றியுள்ளது.

அவர் அவலக்குரல் எழுப்பிய நிலையில் அருகில் உள்ள வீட்டில் வசித்த மற்றைய மகள் ஓடிவந்து அவரை காப்பாற்றி யாழ்ப்பாணம் போதனா வைத்தியசாலையில் சேர்ப்பித்தார். இருப்பினும் சிகிச்சை பலனின்றி உயிரிழந்துள்ளார்.

அவரது சடலம் மீதான மரண விசாரணைகளை திடீர் மரண விசாரணை அதிகாரி நமசிவாயம் பிறேம்குமார் மேற்கொண்டுள்ளார்.