யாழில் மாவீரர் நினைவேந்தலை தடை செய்யக் கோரிய பொலிஸார்: நீதிமன்றம் வழங்கிய அதிரடித் தீர்ப்பு

Sri Lanka Police Tamils Jaffna Ranil Wickremesinghe

By Theepan Nov 21, 2023 02:08 PM GMT

Theepan

in சமூகம்

Report

மாவீரர் நாள் நினைவேந்தலுக்கு தடை செய்யக் கோரி மானிப்பாய் மற்றும் பலாலி பொலிஸாரினால் தாக்கல் செய்யப்பட்ட விண்ணப்பம் நீதிமன்றால் நிராகரிக்கப்பட்டுள்ளது.

குறித்த தீர்ப்பு இன்றையதினம் (21.11.2023) மல்லாகம் நீதவான் நீதிமன்றால் வழங்கப்பட்டுள்ளது.

நாட்டில் பயங்கரவாத அமைப்பாகத் தடை செய்யப்பட்ட தமிழீழ விடுதலைப் புலிகள் அமைப்பில் உயிரிழந்தவர்களை நினைவுகூரும் மாவீரர் நாள் நினைவேந்தல் எதிர்வரும் நவம்பர் 27ஆம் திகதி மானிப்பாய் மற்றும் பலாலி பொலிஸ் பிரிவுக்குட்பட்ட பகுதியில் அனுஸ்டிப்பதை தடை செய்ய கோரியே பொலிஸார் விண்ணப்பம் செய்திருந்தனர்.

நினைவுகூர முடியும்

இதன்போது, நினைவு கூரும் உரிமையை யாரும் தடை செய்ய முடியாது என நீதிமன்றம் தெரிவித்துள்ளது.

யாழில் மாவீரர் நினைவேந்தலை தடை செய்யக் கோரிய பொலிஸார்: நீதிமன்றம் வழங்கிய அதிரடித் தீர்ப்பு | Maverar Remembrance Day Court Order

அத்துடன், தேசிய பாதுகாப்புக்கு குந்தகம் இல்லாமல் நினைவுகூர முடியும் என தெரிவித்த நீதிமன்றம் பொலிஸாரின் தடை கோரிய விண்ணப்பத்தை நிராகரித்துள்ளது.

இதேவேளை மாவீரர் நினைவேந்தலை தடை செய்யக் கோரி அச்சுவேலி மற்றும் தெல்லிப்பழை பொலிஸாரால் தாக்கல் செய்யப்பட்ட மனுக்களும் மல்லாகம் நீதவான் நீதிமன்றால் நிராகரிக்கப்பட்டுள்ளது.