இலங்கையில் மோசமான வானிலை! நிலத்தில் வெடிப்புகள் தென்பட்டால் பாதுகாப்பான இடங்களுக்கு செல்லுமாறு அவசர எச்சரிக்கை

புதிய இணைப்பு  

நாட்டில் நிலவும் சீரற்ற வானிலை காரணமாக மண்சரிவு அபாயம் உள்ளதாக ஏற்கனவே அறிவிக்கப்பட்ட பகுதிகளில் இருப்பவர்கள் உடனடியாக அங்கிருந்து வெளியேறி பாதுகாப்பான இடங்களுக்கு செல்லுமாறு வலியுறுத்தப்பட்டுள்ளனர்.

நிலத்தில் வெடிப்புகள் ஏற்படுதல், மரங்கள் சாய்வடைதல் போன்ற அறிகுறிகள் தென்படும் பட்சத்தில் அப்பகுதிகளில் வசிக்கும் பொதுமக்கள், அத்தகைய இடங்களை கடந்து செல்பவர்களும் மிகுந்த அவதானத்துடன் இருக்குமாறும் கேட்டுக்கொள்ளப்பட்டுள்ளனர்.

மழைவீழ்ச்சி தொடரும் பட்சத்தில் சரிவான பகுதிகளில் மண்சரிவு ஏற்படுவதற்கான சாத்தியக்கூறுகள் மிக அதிகமாக இருப்பதால், பொதுமக்கள் அனர்த்த முகாமைத்துவ பிரிவினரின் ஆலோசனைகளை பின்பற்றி நடப்பது அவசியம் என்றும் தேசிய கட்டிட ஆராய்ச்சி நிறுவனத்தின் சிரேஷ்ட புவியியலாளர் வசந்த சேனதீர தெரிவித்துள்ளார்.

முதலாம் இணைப்பு

நாட்டில் நிலவும் சீரற்ற வானிலை காரணமாக தொடர்ந்து பெய்து வரும் கனமழையை கருத்தில் கொண்டு தேசிய கட்டட ஆராய்ச்சி நிறுவனம் (NBRO) நிலச்சரிவு எச்சரிக்கையை மேலும் நீட்டித்துள்ளது.

நேற்று இரவு (14) விடுத்த நிலச்சரிவு எச்சரிக்கையை இன்று (15) காலை மேலும் நீட்டித்துள்ளது.

இலங்கையில் தொடரும் மோசமான வானிலை! ஆயிரக்கணக்கானோர் பாதிப்பு - உயிரிழப்பு எண்ணிக்கையும் அதிகரிப்பு

கட்டம் 2 இன் கீழ் அறிவிப்புகளை வெளியிட்ட பிரதேச செயலகப் பிரிவுகள்

அதன்படி, 6 மாவட்டங்களில் உள்ள 26 பிரதேச செயலகப்பிரிவுகளுக்கு நிலை 2 இன் கீழ் விடுக்கப்பட்ட 'விழிப்புடன் இருங்கள்' என்ற எச்சரிக்கை மேலும் புதுப்பிக்கப்பட்டுள்ளதாக அந்த நிறுவனத்தின் சிரேஷ்ட புவியியலாளர் வசந்த சேனதீரா தெரிவித்துள்ளார்.

கொழும்பு மாவட்டம்

சீதாவக்கை

காலி மாவட்டம்

நெலுவ

களுத்துறை மாவட்டம்

யட்டிநுவர, அகலவத்தை, மத்துகம, ஹொரண மற்றும் வலல்லாவிட்ட

கண்டி மாவட்டம்

கங்கைஹல கோரளை, தெல்தோட்டை, பஸ்பாகே கோரளை, கங்காவட கோரளை, பாதஹேவஹெட்ட, யட்டிநுவர, டோலுவ, உடா மாகாணம் (உடபலாத்த), பன்வில மற்றும் அக்குரணை

குருநாகல் மாவட்டம்

நாரம்மல மற்றும் அலவ்வா

இரத்தினபுரி மாவட்டம்

பெல்மடுல்ல, இரத்தினபுரி, எஹலியகொட, அயகம, குருவிட்ட, கிரியெல்ல மற்றும் கலவானை

கட்டம் 1 இன் கீழ் 13 மாவட்டங்களில் உள்ள 41 பிரதேச செயலகப் பிரிவு

கட்டம் 1 இன் கீழ் 13 மாவட்டங்களில் உள்ள 41 பிரதேச செயலகப் பிரிவுகள் 'அதிக எச்சரிக்கையுடன் இருக்கவும்' அறிவிப்புகள் வெளியிடப்பட்டுள்ளன. 

பதுளை மாவட்டம்

ஹாலிஎல, பண்டாரவளை மற்றும் பசறை

கொழும்பு மாவட்டம்

பாதுக்கா

காலி மாவட்டம்

எல்பிட்டிய, தவலம மற்றும் நியகம

கம்பஹா மாவட்டம்

அத்தனகல்ல

களுத்துறை மாவட்டம்

இங்கிரிய மற்றும் புலத்சிங்கள

கண்டி மாவட்டம்

மடதும்பர, உடுதும்பர, பூஜாபிட்டிய, தும்பனை, ஹதரலியத்த, ஹாரிஸ்பத்து மற்றும் உடுநுவர

கேகாலை மாவட்டம்

வரகாபொல, அரநாயக்க

கேகாலை மாவட்டம்

ரம்புக்கன, தெஹியோவிட்ட, ருவன்வெல்ல, மாவனெல்ல, யட்டியந்தோட்டை மற்றும் புலத்கொஹுபிட்டிய

குருநாகல் மாவட்டம்

ரிதீகம

மாத்தளை மாவட்டம்

அம்பங்கஹ கோரல, ரத்தோட்ட மற்றும் நாவுல

மாத்தறை மாவட்டம்

பிட்டபெத்தர

மொனரகல மாவட்டம்

வெள்ளவாய, பாதல்கும்புர மற்றும் பிபில

நுவரெலிய மாவட்டம்

அம்பகமுவ கொரளை, நோர்வுட் மற்றும் கொத்மலை

இரத்தினபுர மாவட்டம்

எலபத்த, கொடகவெல, கஹவத்த மற்றும் நிவிதிகல

இதற்கிடையில், மலைப்பகுதிகளில் நிலச்சரிவு தன்மைகள் உள்ளமையினால் அப்பகுதிகளில் வசிக்கும் மக்களும், அவ்வழியே பயணிக்கும் பயணிகளும்,  கவனமாக இருக்குமாறு அவர் அறிவுறுத்தப்பட்டுள்ளனர்.

இதேவேளை, மோசமான வானிலை காரணமாக ஏழு மாவட்டங்களில் 1,113 குடும்பங்களைச் சேர்ந்த 3,475 பேர் பாதிக்கப்பட்டுள்ளதாக அனர்த்த மையம் தெரிவித்துள்ளது.

இரத்தினபுர, காலி, மொனராகல, மட்டக்களப்பு, களுத்துறை, கொழும்பு மற்றும் புத்தளம் மாவட்டங்களில் உள்ள மக்கள் பாதிக்கப்பட்டுள்ளனர்.

பாதுகாப்பான இடங்களுக்கு செல்லத்தயாராக இருக்கவும்..! பல பகுதிகளுக்கு விடுக்கப்பட்டுள்ள நிலச்சரிவு எச்சரிக்கை