முன்னாள் அமைச்சர் குமார ஜெயகோடி மீதான வழக்கு : நீதிமன்றம் பிறப்பித்த உத்தரவு

Bribery Commission Sri Lanka Law and Order Court of Appeal of Sri Lanka Kumara Jayakody

By Rukshy May 06, 2026 07:51 AM GMT

Rukshy

Report

முன்னாள் எரிசக்தி அமைச்சர் குமார ஜயக்கோடிக்கு எதிராக ஊழல் குற்றச்சாட்டுகள் தொடர்பாக இலஞ்ச ஆணைக்குழு தாக்கல் செய்த வழக்கின் விசாரணையை ஜூன் 17ஆம் திகதி நடத்துமாறு கொழும்பு உயர் நீதிமன்றம் உத்தரவிட்டுள்ளது.

இந்த வழக்கு இன்று (06.05.2026) கொழும்பு உயர் நீதிமன்ற நீதிபதி ரஷாந்த கொடவெலவின் முன்பாக விசாரணைக்கு எடுத்துக்கொள்ளப்பட்டது.

வழக்குப் பதிவு செய்யப்பட்டு

விசாரணைக்கு முந்தைய கலந்தாய்வை முடித்து வைத்த உயர் நீதிமன்ற நீதிபதி, விசாரணை ஜூன் 17ஆம் திகதி தொடங்கும் என அறிவித்துள்ளார்.

முன்னாள் அமைச்சர் குமார ஜெயகோடி மீதான வழக்கு : நீதிமன்றம் பிறப்பித்த உத்தரவு | Investigation Into Former Minister Kumara Jayakody

முறைப்பாட்டில் உள்ள இரண்டு சாட்சிகளை அன்றைய தினம் நீதிமன்றத்தில் முன்னிலைகுமாறு அழைப்பாணை அனுப்ப வேண்டும் என்றும் நீதிபதி உத்தரவிட்டார்.

லங்கா உர நிறுவனத்தின் கொள்முதல் மற்றும் இறக்குமதிப் பிரிவின் மேலாளராகப் பணியாற்றியபோது, 2016ஆம் ஆண்டில் அதன் ஹுனுபிட்டிய கிடங்கு வளாகத்தில் தரைவிரிப்புகள் விரிப்பதற்கான கொள்முதல் செயல்முறையில் ஒரு தனியார் நிறுவனத்திற்குப் பயனளிக்கும் வகையில் செயல்பட்டு, அரசாங்கத்திற்கு ரூ. 8,859,708 இழப்பை ஏற்படுத்தியதன் மூலம் "ஊழல்" குற்றத்தைச் செய்ததாக முன்னாள் அமைச்சர் மீது இலஞ்ச ஆணைக்குழு இந்தக் குற்றச்சாட்டுகளைப் பதிவு செய்துள்ளது.

ஊழல் குற்றச்சாட்டுகளின் பேரில் வழக்குப் பதிவு செய்யப்பட்டுள்ளதாகவும், மேலும் நடவடிக்கைகள் கொழும்பு உயர் நீதிமன்றத்தில் தொடரும் என்றும் தெரிவிக்கப்பட்டுள்ளது.