லங்காசிறி FM
தட்டச்சு இயந்திரத்தின் விலை மூன்று இலட்சம் ரூபாவாக உயர்வு
பார்வையற்றோர் சமூகம் பயன்படுத்தும் தட்டச்சு இயந்திரத்தின் விலை ஒரு இலட்சத்து நாற்பதாயிரத்தில் இருந்து மூன்று இலட்சம் ரூபாவாக அதிகரித்துள்ளது.
தேசிய ஒற்றுமை முன்னணியின் தலைவரும் பார்வையற்றோருக்கான தேசிய சம்மேளனத்தின் பொதுச் செயலாளருமான பிரசன்ன விக்ரமசிங்க இதனை தெரிவித்துள்ளார்.
தட்டச்சு இயந்திரம் உள்ளிட்ட பல உபகரணங்களின் விலை இரண்டு மூன்று மடங்கு அதிகரித்துள்ளதாகவும் இதன் காரணமாக பார்வையற்ற சிறுவர்களின் கல்வி கூட பாதிக்கப்பட்டுள்ளதாகவும் அவர் தெரிவித்தார்.
கண்டியில் நேற்று (28) இடம்பெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே அவர் மேற்கண்டவாறு தெரிவித்தார்.
சாதாரணக் குழந்தைகள் பயன்படுத்தும் புத்தகம், பேனா போன்ற பார்வையற்ற குழந்தைகள் கல்விக்காகப் பயன்படுத்தும் பலகையின் விலை சுமார் 300 ரூபாவாக இருந்த நிலையில் தற்போது 3000 ரூபாயைத் தாண்டியுள்ளதாகவும். எனினும் அவை வாங்குவதற்கு கிடைக்கவில்லை என்றும் அவர் கூறினார்.
விசேட தொழில்நுட்ப முறையின் கீழ் பதிவு செய்யப்பட்ட ஒலிப்புத்தகங்களைக் கேட்கும் தொழில்நுட்ப சாதனத்தின் விலை 22,000 ரூபாயில் இருந்து 60,000 ரூபாவாக அதிகரித்துள்ளதாகவும் அவர் தெரிவித்துள்ளார்.
அரசாங்கம் விசேட கவனம் செலுத்த வேண்டும்
டொலரின் பெறுமதி அதிகரிப்புடன் இந்த உபகரணங்களை அரசாங்கம் அத்தியாவசியமற்ற பொருட்களாக அறிவித்தமையினால் இந்த உபகரணங்களின் விலையில் அதிகரிப்பு ஏற்பட்டுள்ளதாகவும் அவர் தெரிவித்தார். பார்வையற்றோர் மிகவும் குறைந்த வசதிகளில் மிகவும் சிரமப்பட்டு வாழும் ஒரு பிரிவினர்.
இவர்களுக்குத் தேவையான அனைத்து உபகரணங்களும் அத்தியாவசியமற்றவை என அரசால் குறிப்பிடப்பட்டுள்ளது. எனவே, அந்த உபகரணங்கள் இறக்குமதி செய்யப்படவில்லை. இறக்குமதி செய்தாலும் வாங்க முடியாத அளவுக்கு அதிக விலைக்கு விற்க வேண்டியுள்ளது.
இது மிகவும் அநியாயம். இப்படியே தொடர்ந்தால், பார்வைக் குறைபாடுள்ள குழந்தை எதையும் கற்றுக்கொள்ள முடியாமல் போகும். இந்த நிலையில் அரசாங்கம் விசேட கவனம் செலுத்த வேண்டுமென அவர் தெரிவித்தார்.
அமைச்சரவையை நியமிக்கும் போது, மாற்றுத்திறனாளிகளின் உணர்வுகளைப் புரிந்து கொள்ளக்கூடிய, உணர்வு பூர்வமான அமைச்சரை நியமிக்குமாறு ஜனாதிபதி ரணில் விக்கிரமசிங்கவிடம் கோரிக்கை விடுப்பதாகவும் அவர் குறிப்பிட்டுள்ளார்.
இந்து சமுத்திரம் லங்கா சமுத்திரமாக மாறுமா..! 23 மணி நேரம் முன்
பிரித்தானியாவை நெருக்கும் ஆறாவது வெப்ப அலை... 14 லட்சம் மக்களுக்கு குழாய் நீர் பயன்பாட்டுத் தடை News Lankasri
ஓமான் குறுக்கிட்டால் மொத்தமாக அழிப்போம்... ஈரான் போர் தொடர்பில் ட்ரம்ப் பகிரங்க மிரட்டல் News Lankasri
4 நாட்களில் உலகளவில் விஸ்வநாத் & சன்ஸ் திரைப்படம் செய்துள்ள வசூல்.. பாக்ஸ் ஆபிஸ் ரிப்போர்ட் Cineulagam
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021
அச்சுவேலி, கொழும்பு, ஜேர்மனி, Germany, நெதர்லாந்து, Netherlands
16 Aug, 2020
உசன், முரசுமோட்டை, Urumpirai, பிரித்தானியா, United Kingdom
15 Aug, 2026
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
