எரிபொருள் விநியோகம்! தனியார் பேருந்து உரிமையாளர்களுக்கான முக்கிய அறிவிப்பு

Fuel Price In Sri Lanka Government Of Sri Lanka Sri Lanka Fuel Crisis Nalinda Jayatissa Iran-Israel War

By Dhayani Mar 15, 2026 05:42 AM GMT

Dhayani

in சமூகம்

Report

தனியார் பயணிகள் போக்குவரத்து பேருந்துகளுக்கான எரிபொருள், இலங்கை போக்குவரத்துச்சபைக்கு சொந்தமான டிப்போக்கள் ஊடாக விநியோகிக்கப்படும் என வலுசக்தி அமைச்சு அறிவித்துள்ளது.

உற்பத்தி நடவடிக்கைகள் மற்றும் அத்தியாவசிய சேவைகளைப் பேணுவதற்குத் தேவையான வாகனங்களுக்கு, உரிய நிறுவனங்களுடன் இணைந்து விசேட வேலைத்திட்டத்தின் கீழ் எரிபொருள் விநியோகிக்க நடவடிக்கை எடுக்கப்படும் என்றும் அந்த அமைச்சு குறிப்பிட்டுள்ளது.

எரிபொருளை முறையாக நிர்வகிக்க அரசாங்கம் தீர்மானம்

மத்திய கிழக்கில் நிலவும் போர்ச் சூழலால் எரிபொருள் விநியோகத்திற்கு பாதிப்பு ஏற்பட்டுள்ளது. இதன் காரணமாக கையிருப்பிலுள்ள எரிபொருளை முறையாக நிர்வகிக்க அரசாங்கம் தீர்மானித்துள்ளது.

எரிபொருள் விநியோகம்! தனியார் பேருந்து உரிமையாளர்களுக்கான முக்கிய அறிவிப்பு | Important Notice For Private Bus Owners Fuel

இதற்கமைய, இன்று (15) காலை 6 மணி முதல் அனைத்து எரிபொருள் நிரப்பு நிலையங்களிலும் QR குறியீடுகளைப் பயன்படுத்தி எரிபொருள் விநியோகம் செய்யப்படும் என்று எரிசக்தி அமைச்சு அறிவிப்பினை வெளியிட்டிருந்தது.

எரிபொருள் விரயத்தை தவிர்க்கவும்

இந்நிலையில், நாட்டின் நிலைமையைக் கருத்திற் கொண்டு அநாவசியமான முறையில் எரிபொருளைப் பயன்படுத்துவதைத் தவிர்க்குமாறு அமைச்சர் கலாநிதி நளிந்த ஜயதிஸ்ஸ கோரிக்கை விடுத்துள்ளார்.

அரசாங்கம் என்ற ரீதியில் ஒட்டுமொத்த மக்களிடமும் நாம் விடுக்கும் கோரிக்கை என்னவென்றால், இந்த நேரத்தில் உங்களது குடும்பத்தைப் பற்றி மட்டும் சிந்திக்காமல் நாடு குறித்தும் சிந்திக்குமாறும் அவர் மேலும் தெரிவித்துள்ளார்.