லங்காசிறி FM
சீனாவின் முதலீடு குறித்த சந்தேகத்தை தெளிவுப்படுத்திய அரசாங்கம்
சீனாவின் சினோபெக் நிறுவனத்துடன் அம்பாந்தோட்டை துறைமுகத்தில் நிறுவப்படவுள்ள பெட்ரோலிய சுத்திகரிப்பு நிலையத்துக்கான முதலீடு தொடர்பில் உண்மை தகவல் ஒன்று வெளியாகியுள்ளது.
இந்த திட்டத்துக்காக சீனா, 4.5 பில்லியன் டொலர்களை முதலீடு செய்யவுள்ளதாக முன்னைய அரசாங்கம் அறிவித்திருந்தது.
இந்த செய்தியை முன்னாள் அமைச்சர் காஞ்சன ஜெயசேகரவை கோடிட்டு, ரொய்ட்டரும் வெளியிட்டிருந்தது.
சினோபெக் முதலீட்டை உள்ளடக்கியது
எனினும் அண்மையில் ஜனாதிபதின் சீன விஜயத்தின்போது இந்த திட்டம் தொடர்பிலான உடன்படிக்கை கைச்சாத்திடப்பட்டது.
4.5 பில்லியன் டொலர் முதலீடு என்பதற்கு பதிலாக 3.7 பில்லியன் டொலர்களே குறித்த திட்டம் தொடர்பான உடன்பாட்டில் குறிப்பிடப்பட்டிருந்தது.
எனவே எவ்வாறு 800 மில்லியன் டொலர்கள் குறைப்பு ஏற்பட்டது என்பது குறித்து கேள்வி எழுப்பப்பட்டிருந்தது இந்தநிலையில், கொழும்பில் ஒரு செய்தியாளர் கூட்டத்தில் உரையாற்றிய வெளியுறவு அமைச்சர் விஜித ஹெரத், 4.5 பில்லியன் அமெரிக்க டொலர் ஒப்பந்தம் பற்றிப் பேசும் எந்த ஆவணத்தையும் தாம் காணவில்லை என்று குறிப்பிட்டுள்ளார்.
அனைத்து குறிப்புகளும் 3.7 பில்லியன் அமெரிக்க டொலர் சீன முதலீட்டைப் பற்றியதாக உள்ளது என்றும் அவர் தெரிவித்துள்ளார்.
எனினும் முன்னைய எரிசக்தி அமைச்சர் காஞ்சனா விஜேசேகர, இந்தத் திட்டம் 4.5 பில்லியன் அமெரிக்க டொலர் சினோபெக் முதலீட்டை உள்ளடக்கியது என்று பல முறை கூறியதையும் அமைச்சர் விஜித ஹேரத் சுட்டிக்காட்டியுள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
சுதுமலை, மருதனாமடம், வவுனியா, கொழும்பு, Coventry, United Kingdom
22 Jan, 2025
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
சுழிபுரம் மேற்கு, London, United Kingdom, South Wales, United Kingdom
19 Jan, 2025
