லங்காசிறி FM
2024ஆம் ஆண்டில் துரித வளர்ச்சி காணும் பிரித்தானிய பொருளாதாரம்
Harrish
in ஐக்கிய இராச்சியம்
G7 நாடுகளில் கடந்த 2023 ஆம் ஆண்டின் பிற்பகுதியில் மந்தநிலைக்குள் விழுந்த பிரித்தானியாவின் பொருளாதாரம் 2024ஆம் ஆண்டின் முதல் பாதியில் வேகமாக வளர்ந்து வருவதாக பொருளாதார வல்லுநர்கள் தெரிவித்துள்ளனர்.
பொருளாதார வல்லுநர்களின் கணிப்புகளுக்கு ஏற்ப, இந்த வருடம் ஏப்ரல் மற்றும் ஜூன் மாதங்களுக்கு இடையில் மொத்த உள்நாட்டு உற்பத்தி (GDP) 0.6 சதவீதம் அதிகரித்துள்ளது என்று தேசிய புள்ளிவிவர அலுவலகம் தெரிவித்துள்ளது.
மந்தநிலைக்குள் விழுந்த பொருளாதாரம்
கடந்த 2023 ஆம் ஆண்டின் பிற்பகுதியில் பிரித்தானியா மந்தநிலைக்குள் விழுந்த நிலையில், 2024ஆம் ஆண்டு முதல் ஆறு மாதங்களில், 1.3 சதவீதம் வளர்ச்சியை ஈட்டியுள்ளது.
இது பிரதமர் கெய்ர் ஸ்டார்மர் (Keir Starmer) மற்றும் சான்செலர் ரேச்சல் ரீவ்ஸ் (Rachel Reeves) ஆகியோருக்கு ஒரு ஊக்கத்தை வழங்கும் என்றும் முக்கியமாக வளர்ச்சியை முன்னுரிமையாக கொண்டுள்ள இந்த அரசாங்கத்திற்கு இது உதவியாக இருக்கும் என கருதப்படுகிறது.
எனினும், இந்த வளர்ச்சி வருடத்தின் இரண்டாம் பாதியில் தொடராது என்று எச்சரிக்கப்படுகிறது.
ஊழல், இக்கட்டான பொருளாதார சூழ்நிலை மற்றும் பிற காரணங்களால் இங்கிலாந்து வங்கி (Bank Of England) வட்டி விகிதத்தை குறைப்பதில் தாமதிக்க வாய்ப்பு உள்ளமையினால் 2024ஆம் ஆண்டின் முழு வளர்ச்சியை 1.1 சதவீதமாக இருக்கும் என்று எதிர்பார்க்கப்படுகிறது.
இருப்பினும், இதன் பின்னணியில், முதலீடுகள் குறைவாக உள்ளதுடன் மக்களின் வாழ்வாதாரத்தில் அதிக மாற்றங்கள் ஏற்படவில்லை என குறிப்பிடப்படுகின்றது.
மேலும், இந்த வளர்ச்சி நிலையை ஆளும் கட்சி தங்கள் சாத்தியத்தை நிரூபிக்க முயற்சிக்கிறது, ஆனால் மக்கள் நலன் மற்றும் வளர்ச்சியை அதிகரிக்க அரசு சுய முதலீடுகளை செய்ய வேண்டியிருக்கும் என தெரிக்கப்படுகின்றது.
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புலோலி மேற்கு, Melbourne, Australia, Blackburn, Australia
06 Jul, 2025
அல்வாய் வடக்கு, உடுப்பிட்டி, ஜேர்மனி, Germany, Scarborough, Canada
06 Jul, 2025
