இணையத்தில் வேகமாக பரவும் அமைச்சரின் போலிப் புகைப்படம்! விசாரணையில் சிஐடியினர்

CID - Sri Lanka Police Artificial Intelligence Ananda Wijepala

By Shadhu Shanker Aug 31, 2025 10:02 AM GMT

Shadhu Shanker

in அரசியல்

Report

அமைச்சர் ஆனந்த விஜேபாலவின் படமொன்று சமூக ஊடகங்களில் அதிகமாக பரவுகின்ற நிலையில் குறித்த புகைப்படம் போலியானது என்று பொது பாதுகாப்பு அமைச்சகம் தெரிவித்துள்ளது.

இது பொதுமக்களை தவறாக வழிநடத்த வேண்டுமென்றே செய்யப்பட்ட முயற்சி என்றும் குறிப்பிட்டுள்ளது.

போலியான புகைப்படம்

இலங்கையில் ஒழுங்கமைக்கப்பட்ட குற்ற நடவடிக்கைகள் தொடர்பாக இந்தோனேசியாவில் தடுத்து வைக்கப்பட்டிருந்த கெஹெல்பத்தர பத்மே மற்றும் பலர் கைது செய்யப்பட்டதைத் தொடர்ந்து, புனையப்பட்ட செய்தி அறிக்கைகளுடன் இந்தப் படம் பகிரப்படுவதாக அமைச்சகம் தெரிவித்துள்ளது.

இணையத்தில் வேகமாக பரவும் அமைச்சரின் போலிப் புகைப்படம்! விசாரணையில் சிஐடியினர் | Cid Ordered To Probe Ai Image

இலங்கை பொலிஸ்துறை மற்றும் இந்தோனேசிய அதிகாரிகளின் கூட்டு முயற்சியின் மூலம் இந்த கைதுகள் மேற்கொள்ளப்பட்டன.சந்தேக நபர்கள் நேற்றையதினம்(30) அன்று இலங்கைக்கு அழைத்து வரப்பட்டனர்.

இந்த நடவடிக்கையில் ஈடுபட்ட அதிகாரிகளை அங்கீகரிக்க பண்டாரநாயக்க சர்வதேச விமான நிலையத்தில் ஒரு விழா நடைபெற்றது.

அமைச்சர் விஜேபால மற்றும் பொலிஸ்துறை இன்ஸ்பெக்டர் ஜெனரல் பிரியந்த வீரசூரிய ஆகியோர் நிகழ்வில் கலந்து கொண்டு இலங்கை மற்றும் இந்தோனேசிய அதிகாரிகளுக்கு நினைவுப் பலகைகள் மற்றும் பரிசுகளை வழங்கினர்.

சட்ட நடவடிக்கை

போலி படத்தை உருவாக்கி விநியோகித்தது குறித்து குற்றப் புலனாய்வுத் துறை (CID) விசாரணையைத் தொடங்கியுள்ளதாக அமைச்சகம் உறுதிப்படுத்தியது.

அதைத் தயாரித்து வெளியிட்டதற்குப் பொறுப்பான நபர்களுக்கு எதிராக சட்ட நடவடிக்கை எடுக்கப்படும் என்று எதிர்பார்க்கப்படுகிறது.

ஒழுங்கமைக்கப்பட்ட குற்றம் மற்றும் போதைப்பொருள் கட்டுப்பாடு சம்பந்தப்பட்ட முக்கியமான நடவடிக்கைகளின் போது, அனைத்து ஊடக நிறுவனங்களும் சமூக ஊடக பயனர்களும் துல்லியமான மற்றும் சரிபார்க்கப்பட்ட தகவல்களை மட்டுமே பரப்புமாறு அமைச்சகம் வலியுறுத்தியுள்ளமை குறிப்பிடத்தக்கது.