மட்டக்களப்பு புனித மரியால் பேராலயத்தில் கிறிஸ்துமஸ் விசேட ஆராதனைகள்(Video)

மனிதத்தினை உலகுக்கு வெளிப்படுத்திய இயேசு பிரானின் அவதாரத்தினை சிறப்பிக்கும் கிறிஸ்துமஸ் விசேட ஆராதனைகள் தேவாலயங்களில் இடம்பெற்றன.

அந்தவகையில், மட்டக்களப்பு மாவட்டத்தின் பேராலயமான புளியந்தீவு புனித மரியால் பேராலயத்தில் கிறிஸ்துமஸ் ஆராதனைகள் நேற்று(21.12.2023) நள்ளிரவு சிறப்பாக நடைபெற்றன.

மரியால் பேராலயத்தில் பேராயர் ஜோசப்பொன்னையா ஆண்டகை தலைமையில் இதன்போது விசேட ஆராதனைகள் நடைபெற்றன.

இலங்கையில் இடம்பெற்ற போர்க் குற்றங்களுக்கு தீர்வு கிடைக்கவேண்டும்: சுவிஸ் நாடாளுமன்றில் வலியுறுத்தல்

கிறிஸ்துமஸ் ஆராதனைகள்

இதன்போது இயேசு பிறப்பினை குறிக்கும் வகையில் பாலன் பிறப்பு கொட்டில் திறக்கப்பட்டு பாலன் திருச்சொரூபம் வைக்கப்பட்டது.

அதனை தொடர்ந்து கிறிஸ்துமஸ் ஆராதனைகள் நடைபெற்றதுடன் கரோல் கீதங்களும் பாடப்பட்டன.

பொருளாதார நெருக்கடியிலிருந்து விரைவில் மீளவும் நாட்டில் நீடித்த அமைதியும் மகிழ்ச்சி நிலவவும் விசேட பிரார்த்தனையும் ஆயரினால் நடாத்தப்பட்டது.

அதனை தொடர்ந்து கிறிஸ்துமஸ் விசேட கூட்டுத்திருப்பலி ஆலயத்தின் பங்குத்தந்தை மற்றும் அருட்தந்தையர்கள், ஆயர் ஆகியோர் இணைந்து ஒப்புக்கொடுத்தனர்.

கனடாவில் பொருட்களின் விலை பாரியளவில் அதிகரிப்பு

ஜோசப்பரராஜசிங்க படுகொலை

திருப்பலி ஒப்புக்கொடுக்கப்பட்டதை தொடர்ந்து அனைவருக்கும் ஆயர் மற்றும் அருட்தந்தையர்களினால் அருளாசி வழங்கப்பட்டது.

கிறிஸ்துமஸ் ஆராதனையை முன்னிட்டு தேவாலயத்தில் இராணுவத்தினரும் பொலிஸாரும் பலத்த பாதுகாப்பினை வழங்கியிருந்தனர்.

மேலும், இது போன்ற நாளிலேயே கிறிஸ்துமஸ் ஆராதனையின்போது முன்னாள் மட்டக்களப்பு மாவட்ட தமிழ் தேசிய கூட்டமைப்பு நாடாளுமன்ற உறுப்பினர் ஜோசப்பரராஜசிங்கம் குறித்த தேவாலயத்தில் வைத்து ஆயுததாரிகளினால் சுட்டுக்கொல்லப்பட்டமையும் குறிப்பிடத்தக்கது.

பிராந்திய பாதுகாப்பை இலங்கை கருத்தில் கொள்ள வேண்டும்: இந்திய தரப்பு வலியுறுத்தல்