தாய்வான் நீரிணையில் சீனாவின் அதிநவீன விமானம் தாங்கி போர்க்கப்பல்

சீனாவின் மிகவும் நவீனமான மற்றும் மேம்பட்ட விமானம் தாங்கி போர்க்கப்பலான 'புஜியான்', பதற்றம் நிறைந்த தாய்வான் நீரிணைப் பகுதி வழியாகப் பயணம் செய்துள்ளதாக தாய்வான் பாதுகாப்பு அமைச்சகம் தெரிவித்துள்ளது.

கடந்த ஏப்ரல் மாதத்திற்குப் பிறகு இந்த முக்கியமான நீர்வழியில் சீனா மேற்கொண்டுள்ள முதல் பெரிய இராணுவ நடவடிக்கை இதுவாகும்.

யாரும் அறியாத செம்மணி பயங்கரம் : உயிருடன் புதைக்கப்பட்ட இளம் தம்பதிகள்

அதிநவீன தொழில்நுட்பம்

தாய்வானைத் தனது சொந்தப் பகுதி எனக் உரிமை கோரும் சீனா, அங்கு தனது ஆதிக்கத்தை நிலைநாட்டுவதற்காகத் தொடர்ந்து இராணுவ அழுத்தங்களைக் கொடுத்து வருகிறது.

இந்த நிலையில், புஜியான் போர்க்கப்பலின் நகர்வுகளைத் தங்களது கூட்டு உளவுத்துறை மற்றும் கண்காணிப்பு அமைப்புகள் மூலம் மிக உன்னிப்பாகக் கண்காணித்ததாக தாய்வான் இராணுவம் குறிப்பிட்டுள்ளது.

சீனாவின் முந்தைய விமானம் தாங்கி கப்பல்களான 'லியானிங்' மற்றும் 'ஷாங்டாங்' ஆகியவற்றுடன் ஒப்பிடுகையில், இந்த புதிய புஜியான் கப்பல் தட்டையான விமான ஓடுதளம் மற்றும் மின்காந்த ஏவுகணை செலுத்தும் அதிநவீன தொழில்நுட்பத்தைக் கொண்டுள்ளது.

சீனாவின் தொடர் அச்சுறுத்தல்கள்

இதன் மூலம் அதிக எண்ணிக்கையிலான மற்றும் அதிக எடையுள்ள போர் விமானங்களை மிகக் குறைந்த நேரத்தில் இதிலிருந்து ஏவ முடியும் என்பதால், இது சீனாவின் மிக சக்திவாய்ந்த கடற்படை ஆயுதமாகக் கருதப்படுகிறது.

தாய்வான் நீரிணைப் பகுதி தங்களுக்கு மட்டுமே சொந்தமானது என சீனா கூறி வரும் வேளையில், இது ஒரு சர்வதேச நீர்வழிப்பாதை என்று தாய்வானும் அமெரிக்காவும் வாதிட்டு வருகின்றன.

சீனாவின் இந்தத் தொடர் அச்சுறுத்தல்களுக்குப் பதிலளித்துள்ள தாய்வானின் முக்கிய கொள்கை வகுப்பாளர் சியு சூ-செங், சீனாவின் இத்தகைய இராணுவ மிரட்டல்களுக்கு தாய்வான் ஒருபோதும் பணியாது என்றும், தங்களது இறையாண்மையையும் ஜனநாயகத்தையும் பாதுகாக்கத் தாய்வான் மக்கள் உறுதியாக இருப்பார்கள் என்றும் தெரிவித்துள்ளார்.

அமெரிக்காவில் இருந்து விரைவில் அழைத்துவரப்படுவார் பசில் : அதிரடி காட்டும் அமைச்சர்

ஹோர்முஸ் நீரிணையில் சிக்கியுள்ள மாலுமிகள் : மீட்புப் பணியில் ஐ.நா