லங்காசிறி FM
ஐ.நா பொதுச்சபைக் கூட்டத்தில் பங்கேற்க விஜித ஹேரத் நாளை நியூயோர்க் பயணம்
ஐ.நா. பொதுச்சபைக் கூட்டத் தொடரில் பங்கேற்பதற்காக இலங்கை வெளிவிவகார அமைச்சர் விஜித ஹேரத் நியூயோர்க் செல்லவுள்ளதாக தெரிவிக்கப்பட்டுள்ளது.
எதிர்வரும் 28 ஆம் திகதி ஐ.நா. கூட்டத்தொடரில் இலங்கையைப் பிரதிநிதித்துவப்படுத்தி அவர் உரையாற்றவுள்ளார்.
ஐ.நா. பொதுச்சபையின் 81 ஆவது அமர்வு செப்டெம்பர் 8 ஆம் திகதி தொடங்கியுள்ளது.
இதன் உயர்மட்ட வாரம் மற்றும் பொது விவாதம் செப்டெம்பர் 22 முதல் 28 வரை நியூயோர்க்கில் இடம்பெறவுள்ளது.
நியூயோர்க் பயணம்
எதிர்வரும் 28 ஆம் திகதி நிகழ்த்தப்படவுள்ள அமைச்சர் விஜித ஹேரத்தின் உரை, சர்வதேச முக்கியத்துவம் வாய்ந்த விடயங்களில் இலங்கையின் நிலைப்பாட்டை முன்வைப்பதற்கும், உலகளாவிய அரங்கில் நாட்டின் வெளியுறவுக் கொள்கை முன்னுரிமைகளை வெளிப்படுத்துவதற்கும் ஒரு நல்ல வாய்ப்பாக அமையும் என்று அரசியல் நிபுணர்கள் சுட்டிக்காட்டியுள்ளனர்.
நியூயோர்க்கில் இரு தரப்பு சந்திப்புகளிலும் வெளிவிவகார அமைச்சர் விஜித ஹேரத் பங்கேற்கவுள்ளார். குறிப்பாக சவூதி வெளிவிவகார அமைச்சருடனான சந்திப்பின்போது சிவராசா அனோஜன் விடயம் சம்பந்தமாகப் பேசப்படும் என எதிர்பார்க்கப்படுகின்றது.
கடந்த 2025 ஆம் ஆண்டு நடைபெற்ற 80 ஆவது ஐ.நா பொதுச்சபைக் கூட்டத்தொடரில் ஜனாதிபதி அநுரகுமார திஸாநாயக்க பங்கேற்று உரையாற்றியிருந்த நிலையில், இந்த ஆண்டு உயர்மட்ட வாரத்தில் வெளிவிவகார அமைச்சர் என்ற ரீதியில் விஜித ஹேரத் இலங்கையைப் பிரதிநிதித்துவப்படுத்துகின்றார்.
பிக்பாஸ் 10 வீட்டில் இருந்து அதிரடியாக வெளியேற்றப்பட்ட லட்சுமி ப்ரியா! அதிர்ச்சியிக் ரசிகர்கள் Manithan
பிக்பாஸ் 10 வீட்டில் இருந்து அதிரடியாக எலிமினேட் செய்யப்பட்ட லட்சுமி ப்ரியா... காரணம் என்ன, ஷாக்கில் ரசிகர்கள் Cineulagam
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
