பிரதமர் நரேந்திர மோடியை வாழ்த்தும் ஜனநாயக போராளிகள் கட்சி

Sri Lankan Tamils Sri Lanka Narendra Modi Lok Sabha Election 2024

By Keethan Jun 09, 2024 10:03 AM GMT

Keethan

in அரசியல்

Report

இந்திய (India) மக்களவை தேர்தலில் பாரத தேசத்தின் பிரதமராக நரேந்திர மோடி (Narendra Modi) வெற்றி பெற்று ஆட்சிப் பொறுப்பேற்பதை மிகவும் பெருமையுடன் ஈழத்தமிழர்களின் சார்பில் வாழ்த்துகின்றோம் என ஜனநாயக போராளிகள் கட்சியின் தலைவர் சி.வேந்தன் தெரிவித்துள்ளார்.

அவர் மேலும் கூறுகையில்,

"கடந்த காலங்களில் நரேந்திர மோடி முதல் முறையாக பிரதமராக பொறுப்பேற்றவுடன் ஈழத்தமிழர்களை வந்து சந்தித்திருந்தார் என்பதை நினைவுகூர வேண்டும்.

இதன்போது, ஈழத்தமிழர்களின் அரசியல் ரீதியான பிரச்சினையை தீர்க்க தீர்க்கமான ஒர் முடிவை விரைந்து எடுப்பார் என்று நாம் ஆழமாக நம்புகின்றோம்.

இந்திய அரசாங்கம்

மேலும், ஈழத்தமிழராகிய நாங்கள் இந்தியாவின் நீண்டகால கலை பண்பாட்டு தொடர்ச்சியான உறவை கொண்டவர்களாக இருப்பதை பெருமையுடன் நினைவில் கொள்கின்றோம்.

பிரதமர் நரேந்திர மோடியை வாழ்த்தும் ஜனநாயக போராளிகள் கட்சி | The Democratic Militant Party Wished Narendra Modi

சமூக சமயப் பண்பாட்டுத் தொடர்புள்ள மக்களான ஈழத்தமிழர்களாகிய நாங்கள் இந்திய அரசுடன் ஒன்றிணைந்து பயணிக்க ஆர்வமுடையவர்களாக இருக்கின்றோம்.

இந்நிலையில், இந்தியப் பிரதமராக மூன்றாவது தடவையாக பொறுப்பேற்கும் உலகின் மிகப்பெரிய ஜனநாயக நாட்டின் பிரதமருடன் இணைந்து இந்து சமுத்திர பிராந்தியத்தின் பாதுகாப்பிற்கு உறுதுணையாக இலங்கைத் தீவில் ஈழத்தமிழர்களாகிய நாம் இருப்போம் என்ற செய்தியையும் இந்திய அரசிற்கு எடுத்துக் கூறுகின்றோம்” என குறிப்பிட்டுள்ளார்.