ஆசிரியர் தினத்தில் ஆசிரியருக்கு நேர்ந்த சோகம்! மட்டக்களப்பில் விபத்தில் பலி

Batticaloa Accident

By Bavan Oct 06, 2026 12:04 PM GMT

Bavan

in விபத்து

Report

மட்டக்களப்பில் பாடசாலையில் கற்பித்து வந்த ஆசிரியர் ஒருவர் இன்று (06) இடம்பெற்ற வாகன விபத்தில் உயிரிழந்துள்ளார்.

பாடசாலை முடிவடைந்த பின்னர் வலையிறவு பகுதியில் இருந்து மற்றுமொரு ஆசிரியரின் மோட்டார் சைக்கிளில் பின்னால் அமர்ந்து மட்டக்களப்பு நோக்கிப் பயணித்துக் கொண்டிருந்தபோதே இந்த விபத்து இடம்பெற்றுள்ளது.

பெரும் சோகம்

திமிலைதீவு எரிபொருள் நிரப்பு நிலையத்திற்கு அருகில், அதே வீதியில் மட்டக்களப்பு நோக்கி மண் ஏற்றிச் சென்ற டிப்பர் கனரக வாகனத்தின் சக்கரத்தில் சிக்கி ஆசிரியர் உடல் நசுங்கிய நிலையில் சம்பவ இடத்திலேயே உயிரிழந்துள்ளதாக தெரிவிக்கப்படுகிறது.

ஆசிரியர் தினத்தில் ஆசிரியருக்கு நேர்ந்த சோகம்! மட்டக்களப்பில் விபத்தில் பலி | Teacher Dies In Batticaloa Thimilathivu Accident

மோட்டார் சைக்கிளை செலுத்திய ஆசிரியர் சிறு காயங்களுடன் உயிர் தப்பியுள்ளார்.

ஆசிரியர் தினமான இன்று இச்சம்பவம் இடம்பெற்றுள்ளமை அப்பகுதி மக்கள் மற்றும் கல்விச் சமூகத்தினரிடையே பெரும் சோகத்தை ஏற்படுத்தியுள்ளது.

ஆரம்பகட்ட தகவல்கள்

சம்பவம் தொடர்பில் மட்டக்களப்பு போக்குவரத்து பொலிஸார் சம்பவ இடத்திற்குச் சென்று விசாரணைகளை முன்னெடுத்து வருகின்றனர்.

இதனிடையே, டிப்பர் வாகனத்தின் சாரதி தனது பாதுகாப்பைக் கருத்திற்கொண்டு சம்பவ இடத்திலிருந்து விலகிச் சென்றுள்ளதாக ஆரம்பகட்ட தகவல்கள் தெரிவிக்கின்றன.

உயிரிழந்த ஆசிரியரின் சடலம் பிரேத பரிசோதனைக்காக மட்டக்களப்பு போதனா வைத்தியசாலைக்கு கொண்டு செல்லப்பட்டுள்ளது. சம்பவம் தொடர்பான மேலதிக விசாரணைகளை மட்டக்களப்பு போக்குவரத்து பொலிஸார் முன்னெடுத்து வருகின்றனர்.