லங்காசிறி FM
நாளை முதலமைச்சராக பதவியேற்க திட்டமிட்டுள்ள விஜய் - முதல் கையெழுத்திற்காக காத்திருக்கும் மக்கள்
தமிழக ஆளுநரை சந்தித்து விஜய் உரிமை கோரியுள்ள நிலையில், ஆளுநரிடமிருந்து எந்த நேரத்திலும் அறிவிப்பு வெளியாகும் என்று எதிர்பார்க்கப்படுகிறது.
தமிழகச் சட்டமன்றத் தேர்தல் முடிவுகள் கடந்த மே 4ம் திகதி வெளியான நிலையில், எந்த கட்சிக்கும் அறுதிப்பெரும்பான்மை கிடைக்காத நிலையில், 108 இடங்களை வென்று தனிப்பெரும் கட்சியாக விஜய் தலைமையிலான தமிழக வெற்றிக் கழகம் உருவெடுத்துள்ளது.
ஆட்சி அமைக்க உரிமை கோரல்
தற்போது 5 எம்.எல்.ஏ.க்களுடன் இருக்கும் காங்கிரஸ் கட்சி நிபந்தனையுடன் ஆதரவு அளித்துள்ள நிலையில், 113 எம்.எல்.ஏ.க்களின் ஆதரவுடன் விஜய் ஆட்சி அமைக்க உரிமை கோரியுள்ளார்.
பெரும்பான்மையை நிரூபிக்க விஜய் 2 வாரம் அவகாசம் கேட்டு இருப்பதாக சொல்லப்படும் நிலையில், எத்தனை நாட்கள் ஆளுநர் அவகாசம் கொடுப்பார் என்ற எதிர்பார்ப்பு ஏற்பட்டுள்ளது.
இந்நிலையில், தமிழக ஆளுநரை சந்தித்து விஜய் உரிமை கோரியுள்ள நிலையில், ஆளுநரிடமிருந்து எந்த நேரத்திலும் அறிவிப்பு வெளியாகும் என்று எதிர்பார்க்கப்படுகிறது.
பதவியேற்க திட்டமிட்டுள்ள விஜய்
இதற்கமைய, நாளை (07) பதவியேற்க தமிழக வெற்றிக்கு கழகத்தலைவர் விஜய் திட்டமிடப்பட்டுள்ளதாகவும், இதற்கான ஏற்பாடுகள் நேரு அரங்கத்தில் நடைபெற்று வருவதாகவும் இந்திய ஊடகங்கள் செய்தி வெளியிட்டுள்ளன.
இதற்கமைய, முதலமைச்சராக விஜய் பொறுப்பேற்றதும்,தேர்தல் அறிக்கையில் குறிப்பிட்ட அறிவிப்புகளுக்கு முன்னுரிமை கொடுத்து அவருடைய முதல் கையெழுத்து இருக்கும் என்ற எதிர்பார்ப்பும் மக்கள் மத்தியில் எழுந்துள்ளது.
இந்நிலையில், முதலமைச்சராக விஜய் ஆட்சி பொறுப்பேற்றதும் 2 முக்கிய திட்டங்களில் கையெழுத்திட உள்ளதாக தகவல் வெளியாகியுள்ளது.
* அனைத்து பேருந்துகளிலும் பெண்கள் இலவசமாக பயணிக்கும் திட்டத்தில் கையெழுத்திட உள்ளதாக தகவல் வெளியாகி உள்ளது.இதன் மூலம் பெண்கள் குறிப்பிட்ட பேருந்திற்காக காத்திருக்கும் நிலை மாறும்.
* ஒவ்வொரு வீட்டிற்கும் 200 யூனிட் மின்சாரம் இலவசம் என்ற திட்டத்தில் கையெழுத்திட வாய்ப்பு உள்ளது. தற்போது வீடுகளுக்கு 100 யூனிட் மின்சாரம் இலவசமாக வழங்கப்பட்டு வருகிறது என்பது குறிப்பிடத்தக்கது.
எல்லா உண்மையையும் சொன்ன ஜனனிக்கு ஷாக் கொடுத்த ஈஸ்வரி... எதிர்நீச்சல் தொடர்கிறது சீரியல் புரொமோ Cineulagam
இந்த ராசிக்காரர்களுக்கு கர்வம் அதிகமாம் - தங்களுக்கு முன்னால் யாரையும் மதிக்க மாட்டார்களாம் Manithan
