லங்காசிறி FM
ஜோசப் விஜய் சந்திரசேகர் எனும் நான்..! அரியாசனம் ஏறினால் போடப்போகும் முதல் கையெழுத்து
தமிழக அரசியலே அதிர்ச்சிக்கு உள்ளாகியுள்ள நிலையில் விஜய்யின் தமிழக வெற்றிக் கழகம் (TVK) வரலாற்றுச் சிறப்புமிக்க வெற்றியை நோக்கி முன்னேறிக் கொண்டிருக்கிறது.
2026 சட்டமன்றத் தேர்தல் வாக்கு எண்ணிக்கையில் தவெக முன்னிலை வகித்து வருகிறது.
தற்போதைய நிலவரப்படி:
- தமிழக வெற்றிக் கழகம் (TVK): 113 இடங்கள்
- அதிமுக (AIADMK): 70 இடங்கள்
- திமுக (DMK): 52 இடங்கள்
பெரும்பான்மைக்கு தேவையான 118 இடங்களை நெருங்கி வரும் நிலையில், ஆளுங்கட்சியான திமுக மூன்றாவது இடத்திற்கு தள்ளப்பட்டிருப்பது அக்கட்சியினரிடையே பெரும் அதிர்ச்சியை ஏற்படுத்தியுள்ளது.
இவ்வாறான சூழலில் விஜய் தனது தேர்தல் பிரச்சாரத்தின் போது வழங்கிய வாக்குறுதிகளில் அவர் முதலமைச்சராகப் பொறுப்பேற்றவுடன் போடும் முதல் கையெழுத்து எதுவாக இருக்கும் என்ற எதிர்பார்ப்பு எகிறியுள்ளது.
விஜயின் வாக்குறுதிகள்
- மகளிருக்கு மாதம் ரூ. 2500 உதவித்தொகை
- பரந்தூர் விமான நிலையத் திட்டத்திற்குத் தடை
- மாணவர்களின் கல்விக்கடன்கள் முழுமையாக ரத்து செய்யப்படும்.
- அரசுப் பணிகளில் முறையான கால அட்டவணைப்படி (Annual Planner) தேர்வுகள் நடத்தப்பட்டு காலிப்பணியிடங்கள் நிரப்பப்படும்.
- இளைஞர்களுக்குப் பயிற்சி மற்றும் உதவித்தொகையுடன் கூடிய புதிய வேலைவாய்ப்புத் திட்டங்கள்.
- நெல் மற்றும் கரும்புக்கான குறைந்தபட்ச ஆதரவு விலையை (MSP) உயர்த்துதல்.
- விவசாயிகளின் பயிர்க்கடன்கள் தள்ளுபடி.
- பெண்களின் பாதுகாப்பை உறுதி செய்ய 'அஞ்சலை அம்மாள் விரைவு நீதிமன்றங்கள்' அமைக்கப்படும்.
- அரசுப் பேருந்துகளில் பெண்களுக்கான இலவசப் பயணம் தொடர்வதோடு, பாதுகாப்பிற்காக 'Panic Buttons' பொருத்தப்படும்.
- ஊழலற்ற வெளிப்படையான நிர்வாகம்.
- முக்கிய மாவட்டங்களில் அரசு நிர்வாகத்தை மக்களுக்கே கொண்டு சேர்க்கும் வகையில் 'வட்டார வாரியான குறைதீர் மையங்கள்'.
- இலவச உயர் சிகிச்சை மையங்கள் விரிவாக்கம்.
- வீட்டு உபயோக மின்சாரக் கட்டணங்களில் சலுகைகள் மற்றும் சீரமைப்பு.
எனினும் இன்று மாலை தமிழ் நாட்டின் அடுத்த முதலமைச்சர் யார் என்பது தொடர்பான உத்தியோகபூர்வ அறிவிப்பு வெளியாகும் என எதிர்பார்க்கப்படுகிறது.
YOU MAY LIKE THIS VIDEO
தமிழ்நாடு சட்டப்பேரவைத் தேர்தல் முடிவுகள் 2026
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
யாழ் சண்டிலிப்பாய் வடக்கு, Jaffna, நல்லூர், திருநெல்வேலி, யாழ்ப்பாணம், கனடா, Canada
02 May, 2021
