ஆறாவது உலகக்கோப்பை கனவுடன் களமிறங்கும் அவுஸ்திரேலியாவின் பலம் மற்றும் பலவீனம்

Glenn Maxwell Indian Cricket Team Australia Cricket Team Steven Smith ICC World Cup 2023

By Dev Nov 19, 2023 11:34 AM GMT

Dev

in விளையாட்டு

Report

உலகக் கிண்ண கிரிக்கெட் தொடரை ஆறாவது தடவையாகவும் வெற்றிகொள்ளும் இலக்குடன் இந்திய அணியை அதன் சொந்த மண்ணியில் அவுஸ்திரேலிய அணி எதிர்கொண்டுள்ளது.

இந்த தொடரில் எந்தவொரு லீக் ஆட்டத்திலும் தோல்வி அடையாத இந்தியா, அரையிறுதிப் போட்டியில் நியூசிலாந்தை வீழ்த்தி இறுதிப் போட்டிக்கு தகுதி பெற்றிருந்தது.

இந்திய அணியை எதிர்கொள்ளும் அவுஸ்திரேலிய அணியின் பலம் மற்றும் பலவீனங்களை பற்றிய ஒரு சிறப்பு தொகுப்பு,

பலம்

அவுஸ்திரேலியாவின் ஆகச்சிறந்த பலமாக நாம் அவர்களின் சகலதுறை வீரர்களை குறிப்பிடலாம். முக்கிய நட்சத்திர வீரரான மேக்ஸ்வெல் துடுப்பாட்டம் மட்டுமன்றி பந்துவீச்சிலும் சிறப்பான பங்களிப்பை வழங்கக்கூடியவர்.

ஆறாவது உலகக்கோப்பை கனவுடன் களமிறங்கும் அவுஸ்திரேலியாவின் பலம் மற்றும் பலவீனம் | Strength And Weaknesses Of Aussies

அணித்தலைவர் பட் கம்மின்ஸ் வேகப்பந்துவீச்சில் சிறப்பாக செயற்படும் அதே வேளையில், அணியின் நிலைக்கு தகுந்தாற் போல் தனது துடுப்பாட்ட வேகத்தை மாற்றியமைக்கக் கூடியவர்.

டிராவிஸ் ஹெட்டின் பந்து வீச்சும் கடந்த போட்டிகளில் சிறப்பாக இருந்ததோடு ஸ்மித் மற்றும் லபுஷேன் ஆகிய இருவரும் அணிக்கு தேவைப்படும் நேரத்தில் பந்து வீசக்கூடியவர்களே.

அவுஸ்திரேலியாவின் மற்றுமொரு பலமாக அதிரடியான ஆரம்ப துடுப்பாட்ட வீரர்களை கூறமுடியும். டிராவிஸ் ஹெட் காயத்திலிருந்து மீண்டு தொடரின் இடையிலிருந்து விளையாட ஆரம்பித்தாலும், அணிக்கான அவரின் பங்களிப்பு மிக சிறப்பாக உள்ளது.

டேவிட் வார்னர் மற்றும் மிட்செல் மார்ஷ் ஆகியோரும் அவுஸ்திரேலியாவின் வெற்றிகளில் மிக முக்கிய பங்குதாரர்களாக உள்ளனர்.

தொடர்ந்து, அவுஸ்திரேலியாவின் முக்கிய வேகப்பந்து வீச்சாளரான ஸ்டார்க் எதிரணியின் தொடக்க விக்கெட்டுக்களை கைப்பற்றுவதில் கைதேர்ந்தவராக உள்ளார்.

ஜோஷ் ஹேஸில்வுட் மற்றும் பட் கம்மின்ஸ் இருவரும் ஸ்டார்க்கிற்கு பக்க பலமாக செயற்பட ஆடம் சம்பா சுழற்பந்துவீச்சில் தொடர் முழுவதும் சிறப்பாக செயற்பட்டு 22 விக்கெட்டுக்களை கைப்பற்றியுள்ளார்.

பலவீனம்

அவுஸ்திரேலியா அணியின் முதல் பலவீனமாக அணியில் ஆடம் சம்பா என்ற ஒரே ஒரு முழுநேர சுழற்பந்துவீச்சாளரை மட்டுமே கொண்டிருப்பதை குறிப்பிடலாம்.

அணியில் மேக்ஸ்வெல் மற்றும் ஸ்மித் போன்ற சில பகுதி நேர சுழற்பந்துவீச்சாளர்கள் இருந்தாலும் மற்றொரு முழுநேர சுழற்பந்துவீச்சாளர் இல்லாததை ஒரு குறையாகவே கூறலாம்.

மிட்செல் மார்ஷ் போன்ற ஒரு தரமான சகலதுறை வீரர் அணியில் இருந்தும் அவர் இத்தொடரில் இதுவரை ஒரு பந்தையேனும் வீசவில்லை என்பது அவுஸ்திரேலியாவின் மற்றுமொரு பின்னடைவு.

சில சுட்டிக்காட்டக்கூடிய குறைகள் இருந்தாலும் அவுஸ்திரேலியா போன்ற ஒரு பலம் பொருந்திய அணியை இறுதிப்போட்டியில் எதிர்கொள்வது இந்திய அணிக்கு மிக சவாலான ஒரு விடயம் என்பதில் எவ்வித ஐயமுமில்லை.