இலங்கையில் தடுத்து வைக்கப்பட்டுள்ள கடற்றொழிலாளர்களை விடுவிக்கக் கோரி ஜெய்சங்கருக்கு பறந்த கடிதம்

Jaishankar M K Stalin Tamil nadu Sri Lanka Navy

By Dharu Dec 08, 2023 11:50 AM GMT

Dharu

in அரசியல்

Report

இலங்கை கடற்படையினரால் கைது செய்யப்பட்ட 21 கடற்றொழிலாளர்களை விடுவிக்க நடவடிக்கை எடுக்கக் கோரி இந்திய வெளியுறவுத்துறை அமைச்சருக்கு தமிழக முதல்வர் மு.க.ஸ்டாலின் கடிதம் அனுப்பியுள்ளார்.

அத்தோடு இலங்கையில் தடுத்து வைக்கப்பட்டுள்ள தமிழ்நாடு கடற்றொழிலாளர்களின் 133 படகுகளையும் விடுவிக்க உரிய நடவடிக்கை எடுக்க வேண்டும் எனவும் ஸ்டாலின் வலியுறுத்தியுள்ளார்.

இது குறித்து இந்திய மத்திய வெளியுறவுத்துறை அமைச்சர் ஜெய்சங்கருக்கு ஸ்டாலின் எழுதியுள்ள கடிதத்தில் கூறியிருப்பதாவது,

உடனடியாக விடுவிக்க நடவடிக்கை

IND-TN-10-MM- 1061 IND-TN-08-MM-231, IND-TN-08-MM-385 மற்றும் IND-TN-06-MM-707 ஆகிய பதிவு எண் கொண்ட கடற்றொழிலாளர்களின் படகுகளில் இராமநாதபுரம் மற்றும் புதுக்கோட்டை மாவட்டங்களைச் சேர்ந்த 21 கடற்றொழிலாளர்கள் எல்லை தாண்டி கடற்றொழிலில் ஈடுபட்டதாக இலங்கைக் கடற்படையினரால் 06.12.2023 அன்று கைது செய்யப்பட்டுள்ளனர்.

இலங்கையில் தடுத்து வைக்கப்பட்டுள்ள கடற்றொழிலாளர்களை விடுவிக்கக் கோரி ஜெய்சங்கருக்கு பறந்த கடிதம் | Stalin S Letter Foreign Minister Release Fishermen

அவர்களது படகுகளும் பறிமுதல் செய்யப்பட்டுள்ளமை குறித்து கவலையடைகிறேன்.

குறித்த தொழிலையே தங்கள் வாழ்வாதாரமாகக் கொண்டுள்ள கடற்றொழிலாளர்களின் படகுகள், இலங்கைக் கடற்படையினரால் அடிக்கடி இதுபோன்று கைது செய்யப்படுவது அவர்களின் வாழ்வாதாரத்தை கடுமையாக பாதித்துள்ளது.

இலங்கைக் கடற்படையினரால் கைது செய்யப்பட்டுள்ள தமிழ்நாட்டைச் சேர்ந்த 21 கடற்றொழிலாளர்களையும் அவர்களது படகுகளையும் விடுவிப்பதோடு, இலங்கைக் கடற்படையினரால் ஏற்கனவே பறிமுதல் செய்யப்பட்டு அவர்களது வசமுள்ள 133 படகுகளையும் உடனடியாக விடுவிக்கத் தேவையான தூதரக நடவடிக்கைகளை மேற்கொள்ள வேண்டுமென்று கேட்டுக் கொண்கின்றேன்.” என குறிப்பிடப்பட்டுள்ளது.