லங்காசிறி FM
ஈட்டி எறிதல் போட்டியில் சாதனை படைத்த இலங்கை வீரர்கள்
Sheron
in விளையாட்டு
தென்கொரியாவில் நடைபெற்ற 'ஆசிய எறிதல் சம்பியன்ஷிப்' ஈட்டி எறிதல் போட்டியில் இலங்கை வீரர் ருமேஷ் தரங்க புதிய இலங்கை சாதனையுடன் தங்கப்பதக்கம் வென்றார்.
இப்போட்டியில் மற்றொரு இலங்கை வீரர் சுமேத ரணசிங்க வெண்கலப்பதக்கம் வென்றதுடன், பெண்களுக்கான ஈட்டி எறிதலில் நதீஷா தில்ஹானி வெண்கலப் பதக்கம் வென்றார்.
தென்கொரியாவின் மெக்போ நகரில் நடைபெற்ற 2ஆவது ஆசிய எறிதல் சம்பியன்ஷிப்பில் நேற்று (15) நடைபெற்ற ஆண்களுக்கான ஈட்டி எறிதல் போட்டியில் ருமேஷ் தரங்க பத்திரகே 85.45 மீற்றர் தூரம் எறிந்து தங்கப்பதக்கம் வென்றார்.
இதன் மூலம் புதிய இலங்கைச் சாதனையையும், புதிய போட்டிச் சாதனையையும் ருமேஷ் தரங்க படைத்தார்.
2015ஆம் ஆண்டில் தியகமவில் நடைபெற்ற போட்டியொன்றில் சுமேத ரணசிங்க 83.04 மீற்றர் எறிந்தமையே இதுவரை ஈட்டி எறிதலில் இலங்கையின் தேசிய சாதனையாக இருந்தது.
அச்சாதனையை 21 வயதான ருமேஷ் தரங்க தென்கொரியாவில் நேற்று முறியடித்துள்ளார். எனினும், ஒலிம்பிக் அடைவு மட்டத்தை 5 சென்ரிமீற்றரினால் ருமேஷ் தரங்க அடையத் தவறினார்.
பாரிஸ் 2024 ஒலிம்பிக் ஆண்களுக்கான ஈட்டி எறிதல் போட்டிக்கு நேரடி தகுதி பெறுவதற்கான அடைவு மட்டம் 85.50 மீற்றர்களாகும். அதேவேளை, முந்தைய இலங்கைச் சாதனையாளரான சுமேத ரணசிங்கவும் நேற்று ஆசிய எறிதல் சம்பியன்ஷிப் போட்டியில் பங்குபற்றி வெண்கலப் பதக்கம் வென்றார்.
33 வயதான சுமேத ரணசிங்க இப்போட்டியில் 77.57 மீற்றர் தூரம் ஈட்டி எறிந்தார். பாகிஸ்தானின் எம். யசீர் 78.10 மீற்றர் எறிந்து வெள்ளிப்பதக்கம் வென்றார்.
இதேவேளை, பெண்களுக்கான ஈட்டி எறிதல் போட்டியில் இலங்கை வீராங்கனை நதீஷா தில்ஹானி லேக்கம்கே, 57.94 மீற்றர் எறிந்து வெண்கலப் பதக்கத்தை வென்றார்.
மற்றொரு இலங்கை வீராங்கனை டயனா ஹர்சனி 48.46 மீற்றர் எறிந்து 7ஆவது இடத்தைப் பெற்றார். இப்போட்டியில் ஜப்பானிய வீராங்கனை மோமனி உவேதா 61.32 மீற்றர் எறிந்து தங்கப் பதக்கத்தையும் சீனாவின் சூ லிங்டான் 60.06 மீற்றர் எறிந்து வெள்ளிப் பதக்கத்தையும் வென்றனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
மூன்றாம் உலகப்போர் அதிகாரப்பூர்வமாக துவங்கிவிட்டது: திகில் கிளப்பும் உக்ரைன் முன்னாள் தளபதி News Lankasri
விஜயா சொன்ன விஷயத்தால் கடும் ஷாக்கில் ரோஹினி, இந்த முறை தப்பிப்பாரா?... சிறகடிக்க ஆசை புரொமோ Cineulagam
ரூ 6,000 கோடி மதிப்பிலான பிட்காயினை குப்பையில் வீசிய பிரித்தானியர்: சட்ட நடவடிக்கை எடுக்க முடிவு News Lankasri
முக்கிய இடத்தில் விஜய்யின் கோட் பட வசூல் சாதனையை முறியடித்துள்ள சூர்யாவின் கங்குவா.. முழு விவரம் Cineulagam
கடும் கட்டுப்பாடுகளை மீறி... கப்பல் கப்பலாக: வடகொரியாவின் கோரிக்கையை நிறைவேற்றிய ரஷ்யா News Lankasri
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
