லங்காசிறி FM
நியூஸிலாந்து அணியை 63 ஓட்டங்களால் தோற்கடித்த இலங்கை அணி
Sivaa Mayuri
in கிரிக்கெட்
காலி மைதானத்தில் இலங்கை அணியின் பிரபாத் ஜெயசூர்ய 5 விக்கெட்டுகளை வீழ்த்திய நிலையில், நியூசிலாந்துக்கு எதிரான முதல் டெஸ்டின் இறுதி நாளில் இன்று இலங்கை அணி 63 ஓட்டங்கள் வித்தியாசத்தில் வெற்றி பெற்றுள்ளது.
இந்த போட்டியில் பிரபாத் ஜெயசூர்ய ஒன்பது விக்கெட்டுக்களை வீழ்த்தினார்.
இரண்டாவது இன்னிங்ஸ்
275 ஓட்டங்களை எடுத்தால் வெற்றி என்ற இலக்குடன், துடுப்பாடிய நியூஸிலாந்து அணி, இன்றைய ஆட்டம் ஆரம்பித்து 15 நிமிடங்களுக்குள் 211 ஓட்டங்களுக்கு தமது அனைத்து விக்கெட்டுக்களையும் இழந்தது.ரச்சின் ரவீந்திரா 92 ஓட்டங்களை பெற்றுக்கொடுத்தார்.
முன்னதாக இலங்கை அணி தமது முதல் இன்னிங்ஸில் 305 ஓட்டங்களை பெற்றது.
இரண்டாவது இன்னிங்ஸில் 309 ஓட்டங்களை பெற்றது. நியூஸிலாந்து அணி தமது முதல் இன்னிங்ஸில் 340 ஓட்டங்களை பெற்றிருந்தநிலையில் இரண்டாவது இன்னிங்ஸில் 211 ஓட்டங்களை மாத்திரமே பெற்றது.
இந்தநிலையில் இரண்டு அணிகளுக்கும் இடையிலான டெஸ்ட் தொடரின் இரண்டாவது மற்றும் கடைசி போட்டி, எதிர்வரும் வியாழக்கிழமை முதல் இதே மைதானத்தில் ஆரம்பமாகவுள்ளது
|
மேலும் கிரிக்கெட் உள்ளிட்ட விளையாட்டு செய்திகளை பார்வையிட நமது WHATSAPP குழுவில் இணையுங்கள் JOIN NOW |
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
