லங்காசிறி FM
கோர விபத்துக்களில் 9 பேர் பரிதாபச் சாவு!
இலங்கையின் 6 இடங்களில் கடந்த 24 மணிநேரத்தில் இடம்பெற்ற வாகன விபத்துக்களில் 6 வயது மாணவி உட்பட 9 பேர் உயிரிழந்துள்ளனர் என்று பொலிஸ் தகவல்கள் தெரிவித்துள்ளன.
நீர்கொழும்பில் முச்சக்கரவண்டியும் லொறியும் நேருக்கு நேர் மோதி விபத்து நேர்ந்துள்ளது.
இதன்போது 25 வயதுடைய முச்சக்கரவண்டி சாரதியான இளைஞரும், அதில் பயணித்த நீர்கொழும்பு, வைத்தியசாலை வீதியைச் சேர்ந்த 68, 64 வயதுகளையுடைய வயோதிபத் தம்பதியினரும் சம்பவ இடத்திலேயே உயிரிழந்துள்ளனர்.
விபத்து தொடர்பில் லொறியின் சாரதி பொலிஸாரால் கைது செய்யப்பட்டுள்ளார்.
காலி - எல்பிட்டியவில் ஹயஸ் வாகனமும் சிறியரக பேருந்து மோதி விபத்துக்குள்ளாகியுள்ளன. இதன்போது ஹயஸ் வாகனத்தின் சாரதியான 42 வயதுடைய குடும்பஸ்தரும், ஹயஸ் வாகனத்தில் முன் ஆசனத்தில் அமர்ந்து சென்ற 19 வயதுடைய இளைஞரும் உயிரிழந்துள்ளனர்.
உயிரிழந்த சாரதியும், இளைஞரும் அம்பாந்தோட்டையைச் சேர்ந்தவர்களாவர். விபத்து தொடர்பில் மினிபஸ்ஸின் சாரதி பொலிஸாரால் கைது செய்யப்பட்டுள்ளார்.
அநுராதபுரத்தில் பாடசாலை மாணவர்களை ஏற்றிச் சென்று கொண்டிருந்த பேருந்தில் இருந்து மாணவி ஒருவர் முன்பக்கக் கதவின் ஊடாக தவறி விழுந்துள்ளார்.
இதன்போது காயமடைந்த 6 வயதுடைய மாணவி அனுராதபுரம் வைத்தியசாலையில் சேர்க்கப்பட்டதன் பின்னர் சிகிச்சை பலனின்றி உயிரிழந்துள்ளார்.
விபத்து தொடர்பில் பேருந்து சாரதி கைது செய்யப்பட்டுள்ளார்.
எம்பிலிப்பிட்டியவில் மோட்டார் சைக்கிளும் வானும் நேருக்கு நேர் மோதி விபத்துக்குள்ளாகியுள்ளன. இதன்போது மோட்டார் சைக்கிள் செலுத்திய 28 வயதுடைய இரத்தினபுரி பிரதேசத்தைச் சேர்ந்த இளைஞர் எம்பிலிப்பிட்டிய வைத்தியசாலையில் சேர்க்கப்பட்டதன் பின்னர் சிகிச்சை பலனின்றி உயிரிழந்துள்ளார்.
விபத்து தொடர்பில் வான் சாரதி உள்ளிட்ட மூவர் பொலிஸாரால் கைது செய்யப்பட்டுள்ளனர். கொழும்பு - மாளிகாவத்தையில் இரண்டு மோட்டார் சைக்கிள்கள் ஒன்றுடன் ஒன்று மோதி விபத்துக்குள்ளாகியுள்ளன.
இதன்போது மோட்டார் சைக்கிள் ஒன்றைச் செலுத்தி வந்த 37 வயதுடைய பம்பலப்பிட்டியைச் சேர்ந்த குடும்பஸ்தர் உயிரிழந்துள்ளார்.
மற்றைய மோட்டார் சைக்கிளைச் செலுத்தி வந்த 22 வயதுடைய இளைஞர் சிறுகாயங்களுடன் பொலிஸாரால் கைது செய்யப்பட்டுள்ளார்.
பொரளையில் ஓட்டோ ஒன்றும் கார் ஒன்றும் நேருக்கு மோதி விபத்துக்குள்ளாகியுள்ளன. இதன்போது 29 வயதுடைய ஓட்டோ சாரதியான இளைஞர் உயிரிழந்துள்ளார்.
குறித்த இளைஞர் மருதானையைச் சேர்ந்தவராவார். விபத்து தொடர்பில் காரின் சாரதி பொலிஸாரால் கைது செய்யப்பட்டுள்ளார்.
May you like this Video
ரஷ்யாவின் புதிய அணு ஏவுகணையை எதைக்கொண்டும் தடுக்க முடியாது- எச்சரிக்கும் முன்னாள் ஜனாதிபதி News Lankasri
2,000 ஆண்டுகள் பழமையான எகிப்திய குவளை: இரத்தம், மார்பகப் பாலை உள்ளடக்கிய கலவையின் ரகசியம் News Lankasri
அணுகுண்டு வீசப்பட்டால் என்ன செய்யவேண்டும்? அமெரிக்கா தனது குடிமக்களுக்கு வழங்கியுள்ள ஆலோசனை News Lankasri
26 நாள் முடிவில் சிவகார்த்திகேயனின் அமரன் படம் தமிழகத்தில் மட்டுமே செய்துள்ள வசூல்.. மொத்தம் எவ்வளவு? Cineulagam
யாழ் நவாலி தெற்கு, Jaffna, பரிஸ், France, மெல்போன், Australia
21 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
தொண்டைமானாறு, காங்கேசன்துறை, London, United Kingdom
23 Nov, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
