லங்காசிறி FM
இத்தாலியிலிருந்து வந்த 200 பயணிகளிடம் ஸ்பெயின் பொலிஸார் தீவிர சோதனை
சட்டவிரோத குடியேற்றம் தொடர்பான முறுகல் நிலை தீவிரமடைந்துள்ள சூழலில், இத்தாலியிலிருந்து வருகை தந்த சுமார் 200 பயணிகளிடம் ஸ்பெயின் எல்லைக் கட்டுப்பாட்டுப் பிரிவினர் தீவிர ஆவண சோதனைகளை மேற்கொண்டுள்ளனர்.
நேற்று நள்ளிரவு முதல் மீண்டும் நடைமுறைப்படுத்தப்பட்ட எல்லைக் கட்டுப்பாட்டு நடவடிக்கைகளின் முதற்கட்டமாகவே நாட்டின் ஆறு பிரதான விமான நிலையங்களில் இந்தச் சோதனைகள் முன்னெடுக்கப்பட்டுள்ளன.
பொலிஸார் தீவிர சோதனை
மெட்ரிட், பார்சிலோனா, செவில்லே உள்ளிட்ட விமான நிலையங்களுக்கு இத்தாலியிலிருந்து வருகை தந்த 12 விமானங்களைச் சேர்ந்த 199 பயணிகளையே ஸ்பெயின் உள்நாட்டு அலுவல்கள் அமைச்சு சோதனைக்கு உட்படுத்தியுள்ளது.
ஸ்பெயினின் வட ஆபிரிக்க பிராந்தியமான செயுட்டாவிற்கு கடந்த ஜூலை இறுதியில் சுமார் 72,000 சட்டவிரோத குடியேற்றவாசிகள் பிரவேசித்ததைத் தொடர்ந்து, இத்தாலி ஆகஸ்ட் 1 ஆம் திகதி முதல் ஸ்பெயினுடனான ஷெங்கன் எல்லைப் பயண உடன்படிக்கையை தற்காலிகமாக இடைநிறுத்தியது.
இத்தாலியின் இந்த நடவடிக்கைக்குப் பதிலடியாகவே, இத்தாலியிலிருந்து வருகை தரும் விமானங்கள் மற்றும் கப்பல்களுக்கான எல்லைக் கட்டுப்பாடுகளை வரும் செப்டெம்பர் 7 ஆம் திகதி வரை நீடிக்கும் வகையில் ஸ்பெயின் நடைமுறைப்படுத்தியுள்ளது.
எனினும், நிலைமை சுமுகமடைந்ததும் எல்லைக் கட்டுப்பாடுகள் விரைவில் தளர்த்தப்படும் என இத்தாலிய வெளிவிவகார அமைச்சர் அன்டோனியோ தஜானி நம்பிக்கை வெளியிட்டுள்ளார்.
ஐரோப்பிய ஒன்றியத்தின் ஷெங்கன் உடன்படிக்கையின் கீழ் உறுப்பு நாடுகளுக்கு இடையே கடவுச்சீட்டு அற்ற சுதந்திரமான பயணம் அனுமதிக்கப்பட்டுள்ள போதிலும், பாதுகாப்பு மற்றும் பொது ஒழுங்கு காரணங்களுக்காகத் தற்காலிக எல்லைக் கட்டுப்பாடுகளை விதிக்க உறுப்பு நாடுகளுக்கு உரிமை உண்டு என்பது குறிப்பிடத்தக்கது.
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
யாழ் நெடுந்தீவு 12ம் வட்டாரம், Jaffna, நயினாதீவு, London, United Kingdom
02 Aug, 2026
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
