லங்காசிறி FM
தேர்தல்களில் போட்டியிட முடியாத ஆபத்தில் சிறிலங்கா சுதந்திரக் கட்சி!
சிறிலங்கா சுதந்திரக் கட்சி தற்போது எதிர்கொண்டுள்ள கடுமையான சட்ட மற்றும் அரசியல் நெருக்கடிகளுக்கு, அனைத்துத் தரப்பினரும் ஒன்றிணைந்து சுமுகமான சமரசத்துக்கு வருவதே ஒரே தீர்வு என்று நாடாளுமன்ற உறுப்பினர் தயாசிறி ஜயசேகர தெரிவித்தார்.
கொழும்பு மேல் நீதிமன்றத்தில் இன்று(30.6.2026) இடம்பெற்ற வழக்கு விசாரணையின் பின்னர் ஊடகங்களுக்குக் கருத்து வெளியிட்டபோதே அவர் இதனைக் கூறினார்.
அவர் மேலும் தெரிவித்ததாவது, என்னை சிறிலங்கா சுதந்திரக் கட்சியின் பொதுச்செயலாளர் பதவியிலிருந்து தன்னிச்சையாக நீக்கியமைக்கு எதிராகத் தொடரப்பட்ட வழக்கின் மேன்முறையீடு, இன்று கொழும்பு சிவில் மேல் நீதிமன்றத்தில் விசாரணைக்கு எடுத்துக் கொள்ளப்பட்டது.
அடுத்தகட்ட விசாரணை
இதன்போது, இந்த வழக்கின் அடுத்தகட்ட விசாரணை எதிர்வரும் செப்டெம்பர் மாதம் 18 ஆம் திகதி வரை ஒத்திவைக்கப்பட்டுள்ளது.
என்னைக் கட்சியில் இருந்து நீக்குவதற்கு முன்னாள் ஜனாதிபதி மைத்திரிபால சிறிசேன எடுத்த முடிவு முற்றிலும் சட்டவிரோதமானது என நீதிமன்றம் ஏற்கனவே சுட்டிக்காட்டியுள்ளது.
அத்துடன், தற்போது கட்சியில் தற்காலிகமாக நியமிக்கப்பட்டுள்ள புதிய பதவிகள் மற்றும் அவர்களால் அவசர அவசரமாக எடுக்கப்படும் முடிவுகள் அனைத்தும் சட்ட ரீதியாகச் செல்லுபடியற்றவையாகும்.
சிறிலங்கா சுதந்திரக் கட்சி தற்போது முற்றிலும் செயலிழந்த நிலைக்குத் தள்ளப்பட்டு, சட்டபூர்வமாகப் பதிவு செய்யப்படாத ஒரு தற்காலிகக் கட்சி போன்ற நிலையை அடைந்துள்ளது.
அரசியல் நெருக்கடி
தற்போதைய சட்டச் சிக்கல்களின் காரணமாக, இந்த நிர்வாகத்தினரால் எந்தவொரு தேர்தல் நடவடிக்கைகளிலும் உத்தியோகபூர்வமாகவோ அல்லது சட்ட ரீதியாகவோ ஈடுபட முடியாத ஆபத்தான சூழல் காணப்படுகின்றது.
நீதிக்காகக் கடந்த 2023 ஆம் ஆண்டிலிருந்து மூன்று வருடங்களாகத் தாம் இந்த நீண்ட சட்டப் போராட்டத்தைத் தொடர்ச்சியாக முன்னெடுத்து வருகின்றேன். நீதிமன்றத்தின் மூலம் தமக்கு முழுமையான நியாயமான இறுதித் தீர்ப்பு கிடைக்கும் எனப் பலமாக நம்புகின்றேன்.
இருப்பினும், கட்சியின் எதிர்கால நலனையும் அதன் இருப்பையும் கருத்திற்கொண்டு, இந்த அரசியல் நெருக்கடிக்குச் சுமுகமான தீர்வைக் காண்பதற்கு நான் எப்போதும் முழுமையான ஒத்துழைப்பை வழங்கத் தயாராகவே இருக்கின்றேன் எனத் தெரிவித்துள்ளார்.
தமிழர் அரசியலும் சிங்கள பௌத்த அரசியல் மனநிலையும்.. 5 மணி நேரம் முன்
'காதல் சொல்ல வந்தேன்' நடிகரின் தற்போதைய நிலை... வெளிநாட்டில் என்ன வேலை செய்றார்னு தெரியுமா? Manithan
குறைந்த விலையில் கிடைக்கும் இந்த மீனை கட்டாயம் சாப்பிடுங்க.... முடி வளர்ச்சி முதல் இதய நோய் வரை தீர்வு Manithan
புகலிடக்கோரிக்கையாளர்கள் 10,000 பவுண்டுகள் செலுத்தவேண்டும்... அறிமுகமாகும் புதிய சட்டம் News Lankasri
முருகன் பிறந்த இடம் வடநாடா? கொந்தளித்த தமிழ் மக்கள்.. ஜூனியர் என்.டி.ஆர் படத்திற்கு எதிர்ப்பு.. Cineulagam
ஆவரங்கால், India, ஈரான், Iran, பிரான்ஸ், France, Herborn, Germany
30 May, 2026
யாழ் பருத்தித்துறை வராத்துப்பளை, Jaffna, புற்றளை
25 Jun, 2026
Negeri Sembilan, Malaysia, சுன்னாகம், யாழ்ப்பாணம், Wembley, United Kingdom, Gaborone, Botswana
30 Jun, 2021
புங்குடுதீவு 1ம் வட்டாரம், வேலணை சோளாவத்தை, London, United Kingdom
27 Jun, 2026
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
புங்குடுதீவு 5ம் வட்டாரம், ஆறுகால்மடம், பிரான்ஸ், France
24 Jun, 2026
