லங்காசிறி FM
இலங்கை நீதிமன்ற உத்தரவை ஏற்க மறுத்த சிங்கப்பூர் கப்பல் நிறுவனம்
Amal
in சட்டம் மற்றும் ஒழுங்கு
இலங்கையின் மிக மோசமான சுற்றுச்சூழல் மாசுபாட்டுக்கு காரணம் என்று கூறப்பட்டு, இலங்கையின் உயர் நீதிமன்றம் உத்தரவிடப்பட்ட 1 பில்லியன் அமெரிக்க டொலர் இழப்பீட்டை வழங்க மறுப்பதாக, சிங்கப்பூர் கப்பல் நிறுவனம் அறிவித்துள்ளது.
எக்ஸ்-பிரஸ் ஃபீடர்ஸ் நிறுவனத்தின் தலைமை நிர்வாகி ஷ்முவேல் யோஸ்கோவிட்ஸ் ஒரு பிரத்தியேக நேர்காணலில், இந்த மறுப்பை வெளியிட்டுள்ளார்.
எக்ஸ்-பிரஸ் பேர்ல் கப்பல்
இந்த விடயத்தில் பணம் செலுத்துவது உலகளாவிய கப்பல் போக்குவரத்தில் பரந்த அளவிலான தாக்கங்களை ஏற்படுத்தும் என்றும் "ஆபத்தான முன்னுதாரணத்தை அமைக்கும்" என்றும் அவர் கூறியுள்ளார்.
நைட்ரிக் அமிலக் கசிவால் ஏற்பட்டதாகக் கருதப்படும் தீ விபத்துக்குப் பின்னர், 2021 ஜூனில் கொழும்பு துறைமுகத்தில் எக்ஸ்-பிரஸ் பேர்ல் கப்பல் மூழ்கியது அதன் சரக்குகளில் அமிலங்கள் உட்பட 81 கொள்கலன்கள் ஆபத்தான பொருட்கள் மற்றும் நூற்றுக்கணக்கான தொன் பிளாஸ்டிக் துகள்கள் இருந்தன.
இந்த துகள்களின் வெளிப்பாட்டால் இலங்கைக்கு பாரியளவிலான சுற்றாடல் பிரச்சினை ஏற்பட்டுள்ளதாக மதிப்பிடப்பட்டுள்ளது.
இந்தநிலையில் இலங்கையின் உயர்நீதிமன்றம், கடந்த ஜூலை மாதம், கப்பல் நிறுவனம், ஆரம்பத்தில், 1 பில்லியன் டொலர்களை இழப்பீடாக வழங்கவேண்டும் என்று உத்தரவிட்டது, அத்துடன் இதில் முதல் தவணையான 250 மில்லியன் டொலர் இன்று(23) செவ்வாய்க்கிழமைக்குள் செலுத்தப்பட வேண்டும் என்றும் உத்தரவிட்டிருந்தது.
எண்ணெய் கசிவுக்கு காரணமான டச்சு அகழ்வாராய்ச்சி கப்பலின் நான்கு குழு உறுப்பினர்கள் குற்றத்தை ஒப்புக்கொண்டதை அடுத்தே இந்த உத்தரவை நீதிமன்றம் பிறப்பித்திருந்தது.
இந்தநிலையில், சம்பவத்திற்கு கப்பல் நிறுவத்தின் தலைமை நிர்வாகி மீண்டும் மன்னிப்பு கோரியுள்ளார் இந்தப் பேரழிவை அங்கீகரித்து அபராதத்தை செலுத்த முயற்சிப்பதாகவும் அவர் கூறியுள்ளார்.
நீதிமன்ற உத்தரவு
தமது நிறுவனமான எக்ஸ்-பிரஸ் ஃபீடர்ஸ் ஏற்கனவே இடிபாடுகளை அகற்றவும், கடற்பரப்பு மற்றும் கடற்கரைகளை சுத்தம் செய்யவும், பாதிக்கப்பட்ட கடற்றொழிலாளர்களுக்கு இழப்பீடு வழங்கவும் 170 மில்லியன் அமெரிக்க டொலர்களை செலவிட்டுள்ளதாக அவர் கூறியுள்ளார்.
"தாங்கள் எதனையும் மறைக்க முயற்சிக்கவில்லை ... நாங்கள் அதிக பணம் செலுத்த தயாராக இருக்கிறோம், ஆனால் அது சில கடல்சார் மரபுகளின் கீழ் இருக்க வேண்டும் மற்றும் முழுமையான மற்றும் இறுதியான தொகையாக இருக்க வேண்டும்" என்றும் அவர் கூறியுள்ளார்.
இதேவேளை இந்த பேரழிவு குறித்த உத்தரவை செயற்படுத்துவது குறித்து இலங்கையின் உயர்நீதிமன்றம் எதிர்வரும் வியாழக்கிழமை விசாரணையை தொடர்கிறது.
இதற்கிடையில் மாசுபாட்டிற்கு இழப்பீடு கோரிய மனுதாரர்களில் ஒருவர், கப்பலால், கடல் சுற்றுச்சூழல் அமைப்புகளுக்கு ஏற்பட்ட சேதத்தின் முழு அளவையும் தீர்மானிக்க மேலும் ஆராய்ச்சி செய்ய வேண்டும் என்று அழைப்பு விடுத்துள்ளார்.
கேப்டன் விடுதலைக்காக அபராதம் செலுத்த நிறுவனம் முன்வந்தது, ஆனால் அது மறுக்கப்பட்டது என்று யோஸ்கோவிட்ஸ் கூறினார். முன்னதாக, எக்ஸ்-பிரஸ் ஃபீடர்ஸ் நிறுவனம், 2023 இல் லண்டனின் அட்மிரால்டி நீதிமன்றத்திடமிருந்து ஒரு உத்தரவைப் பெற்றது.
அதன்படி, 19 மில்லியன் பவுண்டுகளாக நட்டஈடு கட்டுப்படுத்தப்பட்டது எனினும் அதனை இலங்கை அதை சவால் செய்துள்ளது.
இலங்கை அரசாங்கமும் கப்பலின் உரிமையாளர்களுக்கு எதிராக சிங்கப்பூர் சர்வதேச வணிக நீதிமன்றத்தில் வழக்குத் தொடர்ந்தது.
ஆனால் அது லண்டனில் உள்ள வழக்கின் முடிவு வரை நிலுவையில் உள்ளது. இதன்படி 2026 மே மாதத்தில் இந்த விசாரணை எதிர்பார்க்கப்படுகிறது.
புங்குடுதீவு 3ம் வட்டாரம், கோண்டாவில்
10 Feb, 1996
வேலணை புளியங்கூடல், ஊர்காவற்துறை
05 Feb, 2016
4th ward,Puthukkudiyiruppu, Mullaitivu, London, United Kingdom
04 Feb, 2011
நெடுந்தீவு, யாழ்ப்பாணம், கொழும்பு, வவுனியா, முல்லைத்தீவு, கிளிநொச்சி, Islington, United Kingdom
28 Jan, 2026
