ரிஷி சுனக் தொடர்ந்தும் முன்னிலை

Conservative Party United Kingdom Rishi Sunak

By Murali Jul 20, 2022 06:32 PM GMT

Murali

in ஐக்கிய இராச்சியம்

Report

பிரித்தானியாவில் கன்சர்வேடிவ் கட்சியின் தலைமைப்பதவி மற்றும் பிரதமர் பதவிக்கான போட்டி தற்போது தீவிரமடைந்துள்ளதாக தெரிவிக்கப்பட்டுள்ளது.

இறுதியாக இடம்பெற்ற டோரி தலைமைத்துவ வாக்கெடுப்பில் பென்னி மோர்டான்ட் வெளியேற்றப்பட்ட பின்னர், அடுத்த பிரதமருக்கான போட்டியில் லிஸ் ட்ரஸை முன்னாள் நிதி அமைச்சர் ரிஷி சுனக் எதிர்கொள்கின்றார்.

டோரி பாராளுமன்ற உறுப்பினர்களிடையே நடந்த இறுதி வாக்கெடுப்பில் லிஸ் ட்ரஸ், மோர்டான்ட்டின் குறுகிய முன்னிலையை முறியடித்து, 105க்கு 113 வாக்குகள் வித்தியாசத்தில் வெற்றிபெற்றுள்ளார்.

இறுதி வாக்கெடுப்பில் 137 வாக்குகளுடன் முதலிடத்தைப் பிடித்த சுனக்குடன் அவர் இப்போது நேருக்கு நேர் மோதவுள்ளார். கன்சர்வேடிவ் கட்சி உறுப்பினர்களிடையே வாக்கெடுப்பு மூலம் வெற்றியாளர் தீர்மானிக்கப்படுவார்.

ரிஷி சுனக் தொடர்ந்தும் முன்னிலை | Rishi Sunak Continues To Lead

லிஸ் ட்ரஸின் பிரச்சாரம் இறுதியில் வேகத்துடன் இருந்தது

செவ்வாயன்று நடந்த வாக்கெடுப்பில் வெளியேற்றப்பட்ட கெமி படேனோக்கை ஆதரித்த எம்.பி.க்களின் ஆதரவைப் பெற லிஸ் ட்ரஸ் மற்றும் மோர்டான்ட் ஆகிய இருவரும் தீவிர நடவடிக்கையில் ஈடுபட்டிருந்தனர்.

டிரஸ் ஆதரவாளர், அவரது பிரச்சாரம் இறுதியில் வேகத்துடன் வந்தது என முன்னாள் டோரி தலைவர் இயன் டங்கன் ஸ்மித் தெரிவித்துள்ளார்.

பிரெக்சிட்டிற்குப் பிந்தைய ஒழுங்குமுறை சீர்திருத்தங்கள் மற்றும் குறைந்த வருமானம் உள்ளவர்களுக்கு உதவும் திட்டங்களில் அவரது நிலைப்பாடு சக ஊழியர்களை அவருக்கு ஆதரவாக நம்பவைத்துள்ளது என்றும் அவர் கூறினார்.

முன்னாள் நிதி அமைச்சர் சுனக்கிற்கான பிரச்சாரம், அவரது 137 வாக்குகள் எம்.பி.க்களின் தெளிவான ஆணையுடன் மிகவும் வலுவான முடிவு என்று கூறியது.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை