ஐந்தாவது கோவிட் அலையை தடுக்க அரச மருத்துவ அதிகாரிகள் சங்கம் எடுத்துள்ள தீர்மானங்கள்

Srilanka Covid-19 People Covid vaccine

By Ajith Sep 20, 2021 07:03 PM GMT

Ajith

in சமூகம்

Report

இலங்கை, ஐந்தாவது கோவிட் அலையை நோக்கி நகர்வதைத் தடுக்க அரச மருத்துவ அதிகாரிகள் சங்கம் பல யோசனைகளை அறிமுகப்படுத்தியுள்ளது.

இதன்படி,

நாட்டின் மக்கள்தொகையில் 70% க்கும் அதிகமானவர்களுக்கு முழுமையான தடுப்பூசி மற்றும் பாடசாலை மாணவர்களுக்குத் தடுப்பூசி செலுத்தப்படவேண்டும்.
தடுப்பூசி தொடர்பான தேசிய ஆலோசனைக்குழுவின் வழிகாட்டுதல்களின் அடிப்படையில் நவம்பர் தொடக்கத்திலிருந்து, இரண்டு அளவுகளையும் பெற்றவர்களுக்கு மூன்றாவது முன்னுரிமை பூஸ்டர் அளவு தடுப்பூசி செயல்முறை ஆரம்பிக்கப்பட வேண்டும்.
சுகாதார வழிகாட்டுதல்களின்படி புதிய இயல்பான வாழ்க்கை முறைக்கு மக்கள் செல்ல வேண்டும்.
தடுப்பூசி செலுத்தப்பட்ட போதிலும், அறிகுறியற்ற நோயாளர்களை அடையாளம் காண இலவசமாகக் கிடைக்கும் புதிய மற்றும் எளிய கோவிட் சோதனை முறைகள் அறிமுகப்படுத்தப்பட வேண்டும்.
சமூகத்தில் வளர்ந்து வரும் கோவிட் கொத்தணிகளை அடையாளம் காண, அனைத்து மாவட்டங்களையும் உள்ளடக்கிய, சீரற்ற சமூக மாதிரி சோதனைகளை அறிவியல் பூர்வமாகவும், ஒரே மாதிரியாகவும் நடத்த வேண்டும்.
விஞ்ஞான மற்றும் சீரான முறையில் மரபணு சோதனையை நடத்துவதன் மூலம் சாத்தியமான புதிய விகாரங்களை அடையாளம் கண்டு, ஆரம்பத்திலிருந்தே சமூகத்தில் பரவுவதைத் தடுக்க உத்திகளைச் செயல்படுத்த வேண்டும் என்பதே அரச மருத்துவ அதிகாரிகள் சங்கத்தின் செயல்முறையாக அறிவிக்கப்பட்டுள்ளது.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை