லங்காசிறி FM
இறக்குமதி பொருட்கள் மீதான செஸ் வரி நீக்கம் - விரைவில் அரசு கொண்டுவரும் புதிய கட்டண முறை
உள்ளூர் தொழிலதிபர்களைப் பாதுகாக்கும் நோக்கத்தில், இறக்குமதி செய்யப்படும் பொருட்கள் மீது விதிக்கப்பட்டிருந்த செஸ் வரியை நீக்கி, ஒரு புதிய கட்டண முறையை அறிமுகப்படுத்த அரசாங்கம் முடிவு செய்துள்ளதாக அறிவிக்கப்பட்டுள்ளது.
இந்த செஸ் வரிகள் படிப்படியாக நீக்கப்படும் என எதிர்பார்க்கப்படுவதாக நிதி மற்றும் திட்டமிடல் பிரதி அமைச்சர் அனில் ஜெயசிங்க தெரிவித்துள்ளார்.
உள்ளூர் தொழிலதிபர்களுக்கு வெளியான அறிவிப்பு
உள்ளூர் தொழிலதிபர்களைப் பாதுகாக்கும் நோக்கத்தில் இறக்குமதி செய்யப்படும் பொருட்கள் மீது செஸ் வரிகள் விதிக்கப்பட்டாலும், பெரும்பாலான உள்ளூர் தொழில்கள் இறக்குமதி செய்யப்படும் மூலப்பொருட்களையே சார்ந்துள்ளன என்றும், அந்தப் பொருட்களின் விலையும் அதே அளவில் அதிகமாக இருப்பதால், செஸ் வரிகளைப் படிப்படியாக நீக்குவதற்கான நடவடிக்கைகளை அரசாங்கம் எடுக்கும் என்றும் அவர் கூறியுள்ளார்.
இதன் அடிப்படையில், இடைநிலைப் பொருட்களுக்குச் சலுகைக் காலத்துடன் படிப்படியாக செஸ் வரிகளை முதலில் நீக்குவதன் மூலம், உள்ளூர் தொழில்களுக்குப் பாதிப்பு ஏற்படுத்தாமல் உற்பத்திச் செலவுகளைக் குறைக்கவும், படிப்படியான உற்பத்தி செயல்முறைக்கு உற்பத்தியாளர்கள் தங்களைத் தகவமைத்துக் கொள்ளவும், அத்தியாவசிய மூலப்பொருட்களின் செலவுகளைக் குறைக்கவும் வழிவகை செய்யும் ஒரு அணுகுமுறையை அரசாங்கம் எதிர்பார்க்கிறது.
செஸ் மற்றும் கலால் வரிகளை நீக்குவதோடு ஒரு புதிய கட்டண முறையை அறிமுகப்படுத்த அரசாங்கம் நடவடிக்கை எடுக்கும் என்றும், அதன்படி 4 பிரிவுகளின் கீழ் கட்டண முறையை அறிமுகப்படுத்த நடவடிக்கைகள் எடுக்கப்படும் என்றும் பிரதி அமைச்சர் குறிப்பிட்டுள்ளார்.
4 பிரிவுகளின் கீழ் புதிய வரிகள்
0%, 10%, 20% மற்றும் 30% ஆகிய 4 பிரிவுகளின் கீழ் புதிய வரிகள் அறிமுகப்படுத்தப்படும் என்றும், உற்பத்திக்குப் பயன்படுத்தப்படும் மூலப்பொருட்கள் மற்றும் பொருட்களுக்கு 0% வரியும், முடிக்கப்பட்ட பொருட்கள் மற்றும் தேர்ந்தெடுக்கப்பட்ட பொருட்களாக இறக்குமதி செய்யப்படும் பொருட்களுக்கு அதிகபட்சமாக 30% வரையிலான புதிய வரிகளும் விதிக்கப்படும் என்றும் அவர் சுட்டிக்காட்டியுள்ளார்.
இதற்கமைய, இந்தத் திட்டங்கள் மூலம் உள்ளூர் தொழிலதிபர்களைப் பாதுகாக்க அரசு மேலும் எதிர்பார்ப்பதாகவும் அமைச்சர் தெரிவித்துள்ளார்.
நல்லூர் கந்தசுவாமி கோவில் | Day 26
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
