லங்காசிறி FM
நாடளாவிய ரீதியில் நடைபெற்றுள்ள நோன்புப் பெருநாள் தொழுகை நிகழ்வுகள்
Farook Sihan
in நிகழ்வுகள்
நாடளாவிய ரீதியில் உள்ள இஸ்லாமியர்கள் தமது புனித பெருநாளான நோன்பு பெருநாளை கொண்டாடுகின்றனர்.
இந்தநிலையில் புனித ஈதுல் பித்ர் நோன்புப் பெருநாள் தொழுகையும் குத்பா பிரசங்கமும் அம்பாறை (Ampara) மாவட்டம் மருதமுனை கடற்கரை திறந்த வெளியில் இன்று (10) நடைபெற்றுள்ளது.
இதன்போது மருதமுனை தாறுல் ஹுதா மகளிர் இஸ்லாமிய அரபுக் கல்லூரியின் பணிப்பாளர் தொழுகை நடாத்தி பிரசங்கமும் நிகழ்த்தியுள்ளார்.
இதில் ஆண்களும் பெண்களும் கலந்து கொண்டதுடன், அம்பாறை மாவட்டத்தின் நற்பிட்டிமுனை ,கல்முனை, சம்மாந்துறை, நிந்தவூர், அக்கரைப்பற்று, பொத்துவில் உள்ளிட்ட முஸ்லீம் மக்கள் செறிந்து வாழும் பகுதிகளிலும் பெருநாள் தொழுகைகள் பரவலாக இடம்பெற்றுள்ளன.
செய்தி - பாறுக் ஷிஹான்
மன்னார்
ரமழான் (Ramadan) நோன்பு திருநானை முன்னிட்டு மன்னார் (Mannar) மாவட்டம் சயீட் சிட்டி பொது மைதானத்தில் ஆண்கள் மற்றும் பெண்களுக்கு ஒரே நேரத்தில் திடல் தொழுகையும் குத்பா பிரசங்கமும் இடம்பெற்றுள்ளது.
இதனை தொடர்ந்து தமது பெருநாள் வாழ்த்துக்களை தெரிவித்துக் கொள்ளும் முகமாக உறவினர்கள், நண்பர்கள் மற்றும் அயலவர்களின் வீடுகளுக்கு சென்று பெருநாள் வாழ்த்துக்களை தெரிவித்துக் கொண்டுள்ளதோடு உணவுப் பொருட்களை பகிர்ந்து கொண்டமை குறிப்பிடத்தக்கது.
செய்தி - ஆஷிக்
வவுனியா
வவுனியா (Vavuniya), தவ்ஹீத் ஜமாஅத் ஏற்பாட்டில் புனித நோன்புப் பெருநாள் தொழுகை வேப்பன்குளம் குளக்கட்டு ஒழுங்கையில் அமைந்துள்ள திடலில் நடைபெற்றுள்ளது.
பெருந்தொகையான இஸ்லாமியர்கள் இதன்போது கலந்து கொண்டு தொழுகையில் ஈடுபட்டதுடன், றமழான் வாழத்துக்களையும் பரிமாறிக் கொண்டுள்ளனர்.
செய்தி - திலீபன்
மட்டக்களப்பு
ஏறாவூர் அலிகார் தேசியக் கல்லூரி மைதானத்தில் ஏற்பாடு செய்யப்பட்டிருந்த புனித நோன்புப் பெருநாள் மைதானத் தொழுகையை ஆயிரக்கணக்கான ஆண்களும் பெண்களும் மைதானத் திடலில் ஒன்று திரண்டு நிறைவேற்றியுள்ளனர்.
இந்த வருடம் புனித நோன்புப் பெருநாள் தொழுகையை நிறைவேற்ற அதிக எண்ணிக்கையிலானோர் இங்கு கூடியிருந்தமை குறிப்பிடத்தக்கது.
செய்தி - ருசாத்
யாழ்ப்பாணம்
யாழ்ப்பாணம் ஒஸ்மானியா கல்லூரி மைதானத்தில் புனித நோன்பு பெருநாள் தொழுகையும் குத்துவா பிரசங்கம் இடம்பெற்றுள்ளது.
இதில் நூற்றுக்கு மேற்பட்ட ஆண்கள், பெண்கள் கலந்து கொண்டு தமது வாழ்த்துக்களை பரிமாறிக் கொண்டுள்ளனர்.
செய்தி - தீபன்
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
கல்வியங்காடு, Wembley, United Kingdom, King's Lynn, United Kingdom
22 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
