திசை திருப்பப்படும் கோரிக்கைகள்! கிழக்கு உட்பட பல பகுதிகளில் போராட்டங்களை முன்னெடுக்க தீர்மானம்

புதிய பயங்கரவாத தடைச்சட்டம் நாட்டில் ஒரு கட்சி ஆட்சி முறையை கொண்டுவருவதற்கான மறைமுக முயற்சியாக கருதப்படுகிறது என ஜனநாயக தமிழ் தேசிய கூட்டணியின் பேச்சாளர் சுரேஸ் பிறேமச்சந்திரன் தெரிவித்துள்ளார்.

வவுனியாவில் இடம்பெற்ற ஊடக சந்திப்பிலேயே அவர் இவ்வாறு தெரிவித்துள்ளார். அவர் மேலும் தெரிவிக்கையில்,

புதிய பயங்கரவாத எதிர்ப்புச்சட்டம்

அரசை பாதுகாப்பதாக கூறிக்கொண்டுவரப்படும் புதிய பயங்கரவாத எதிர்ப்புச்சட்டம், தொழிற்சங்கங்கள், எதிர்க்கட்சிகள் மற்றும் பொதுமக்களின் ஜனநாயகப் போராட்டங்களை முற்றிலுமாக ஒடுக்கும் நோக்கம்கொண்டது.

நாட்டில் ஒரு கட்சி ஆட்சி முறையை கொண்டுவருவதற்கான மறைமுக முயற்சியாகக் கருதப்படும் இச்சட்டத்தை, சர்வதேச சமூகமும் உள்ளூர் தரப்புகளும் ஏற்கனவே நிராகரித்துள்ள நிலையில், அரசு உடனடியாகக் கைவிட வேண்டும்.

மாகாண சபை தேர்தல்கள் உடனடியாக நடத்தப்பட்டு, அவற்றுக்கான உரிய அதிகாரங்கள் முழுமையாக வழங்கப்பட வேண்டும்.

மேலும், தற்போதைய ஜனாதிபதி தனது தேர்தல் விஞ்ஞாபனத்தில் குறிப்பிட்டுள்ளவாறு, ஜனாதிபதி முறைமை முற்றிலுமாக ஒழிக்கப்பட வேண்டும் என்பது கூட்டணியின் முதன்மைக் கோரிக்கையாக மீண்டும் வலியுறுத்தப்பட்டுள்ளது.

வடக்கு - கிழக்கில் தொடரும் நில அபகரிப்புகள்

வெடுக்குநாறிமலையில் புத்தர்சிலை வைப்பு, யாழ்ப்பாணத்தில் திலீபன் சிலை மற்றும் செம்மணி புதைகுழிகள் போன்ற பல்வேறு பிரச்சினைகள் மூலம் மக்களின் உண்மையான கோரிக்கைகள் திசை திருப்பப்படுகின்றன.

வடக்கு-கிழக்கில் தொடரும் நில அபகரிப்புகள், காணாமல் ஆக்கப்பட்டோர் விவகாரம் மற்றும் ஏனைய அடிப்படைக் பிரச்சினைகளுக்கு சர்வதேசப் பொறிமுறையின் ஊடாக உரிய தீர்வு காணப்பட வேண்டும்.

தற்போதைய ஆட்சியின் இரண்டு வருட காலத்தில் தமிழ் மக்களுக்கு வழங்கப்பட்ட வாக்குறுதிகள் எவையும் நிறைவேற்றப்படவில்லை.

இதனை கண்டித்து சாவகச்சேரியில் முன்னெடுக்கப்பட்ட உண்ணாவிரதப் போராட்டத்தைத் தொடர்ந்து, மட்டக்களப்பு உள்ளிட்ட கிழக்கு மாகாண பகுதிகள் உட்பட ஏனைய மாவட்டங்களிலும் தொடர்ச்சியான கண்டனப் போராட்டங்களை முன்னெடுக்க தீர்மானிக்கப்பட்டுள்ளதாகவும் தெரிவித்துள்ளார்.

ஷிரந்திக்கு அவசர அறுவை சிகிச்சை! நீதிமன்றத்தில் முன்னிலைப்படுத்துவதில் சிக்கல் - பிறப்பிக்கப்பட்ட உத்தரவு

ஷிரந்தி ராஜபக்சவின் சிறைவாசத்தை சுற்றியுள்ள அரசியல் சர்ச்சை! சிக்கிய வாக்குமூலங்கள்