லங்காசிறி FM
60,000 ஜேவிபி உறுப்பினர்கள் - பல இலட்சம் தமிழ்மக்கள் பாதிக்கப்பட்ட PTA வை நீக்க வேண்டும்! சிறீதரன் கோரிக்கை
பயங்கரவாத தடைச்சட்டம் (PTA) மாற்றுச் சட்டமின்றி உடனடியாக நீக்கப்பட வேண்டும் என நாடாளுமன்ற உறுப்பினர் சிவஞானம் சிறீதரன் தெரிவித்துள்ளார்.
கிளிநொச்சி கண்டாவளை பகுதியில் இன்று (13) நடைபெற்ற நிகழ்வொன்றின் பின்னர் ஊடகவியலாளர்களுக்கு கருத்துத் தெரிவிக்கும் போதே அவர் இதனை குறிப்பிட்டார்.
பயங்கரவாத தடைச்சட்டம்
அண்மையில் பயங்கரவாத தடைச்சட்டத்தின் கீழ் கைது செய்யப்பட்ட கிளிநொச்சியைச் சேர்ந்த சொல்லிசைப் பாடகர் சங்கீர்த்தனன் பின்னர் சாதாரண சட்டத்தின் கீழ் பிணையில் விடுவிக்கப்பட்டுள்ளதாக அவர் தெரிவித்தார்.
இந்த விடுதலைக்காக ஜனாதிபதி அநுர குமார திசாநாயக்கவுக்கு நன்றி தெரிவிப்பதாகக் கூறிய சிறீதரன், சங்கீர்த்தனன் கைது செய்யப்பட்ட பின்னர் அவரை சிறையில் சந்தித்ததுடன் ஜனாதிபதிக்கு கடிதம் எழுதியதாகவும் தெரிவித்தார்.
நாடாளுமன்றத்தில் அமைச்சர் விஜிதஹேரத்தை சந்தித்து குறித்த விடயம் தொடர்பாக பேசியிருந்தேன். கடந்த புதன்கிழமை ஜனாதிபதியுடன் தொலைபேசியில் பேசியிருந்தேன் அதன்போது சாதாரண பிணையில் அவரை எடுக்க முடியும் என தெரிவித்திருந்தார்.
உயிர்த்த ஞாயிறு தாக்குதல்
கடற்றொழில் அமைச்சர், நாடாளுமன்ற உறுப்பினர் க.இளங்குமரன் உள்ளிட்டோரிடமும் பேசியிருந்தேன்.மக்களின் குரலுக்கு செவிசாய்த்து இந்த அரசாங்கம் விடுதலை செய்துள்ளது. அனைவரின் முயற்சியுமே விடுதலைக்கு காரணம் என்றும் குறிப்பிட்டார்.
மக்களின் கோரிக்கைகளுக்கும் சட்டத்தரணிகளின் முயற்சிகளுக்கும் இணையாக அரசாங்கம் நடவடிக்கை எடுத்துள்ளதாக தெரிவித்தார்.
“60,000 மக்கள் விடுதலை முன்னணி உறுப்பினர்கள் கொல்லப்பட்டதும், தமிழர்கள் உள்ளிட்ட பல இலட்சம் மக்கள் பாதிக்கப்பட்டதும் இந்த பயங்கரவாத தடைச்சட்டத்தின் காரணமாகும். எனவே மாற்றுச் சட்டமின்றி உடனடியாக இந்தச் சட்டம் நீக்கப்பட வேண்டும் என குறிப்பிட்டார்.
எந்த இனத்தையோ மதத்தையோ இலக்காகக் கொண்டு மேற்கொள்ளப்படும் வன்முறைச் செயல்களை அனுமதிக்க முடியாது.
உயிர்த்த ஞாயிறு தாக்குதல் தொடர்பான உண்மைகள் வெளிச்சத்திற்குக் கொண்டு வரப்பட வேண்டுமென வலியுறுத்திய அவர், சம்பவத்துடன் தொடர்புடையவர்கள் யாராக இருந்தாலும் சட்டத்தின் முன் நிறுத்தப்பட்டு நீதியை நிலைநாட்ட வேண்டும் என்றும் தெரிவித்தார்.
Sea Port Estate, Malaysia, Petaling Jaya, Malaysia, Montreal, Canada, Scarborough, Canada, Oakville, Canada
11 Sep, 2026
நெடுந்தீவு, யாழ்ப்பாணம், சிங்கப்பூர், Singapore, நியூஸ்லாந்து, New Zealand
13 Sep, 2021
சரசாலை வடக்கு, சுவிஸ், Switzerland, England, United Kingdom
14 Sep, 2020
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
