லங்காசிறி FM
2027 வரவு செலவுத் திட்டத்தை இறுதிவரை பரிசீலித்த ஜனாதிபதி
2027ஆம் ஆண்டுக்கான வரவு - செலவுத் திட்ட முன்மொழிவுகளின் இறுதி வரைவை ஜனாதிபதி அநுரகுமார திஸாநாயக்க இன்று(11.11.2026) புதன்கிழமை ஜனாதிபதி செயலகத்தில் வைத்துப் பரிசீலிணை செய்துள்ளார்.
நிதி, திட்டமிடல் மற்றும் பொருளாதார அபிவிருத்தி அமைச்சின் செயலாளர் ஹர்ஷன சூரியப்பெருமவும் இந்த கலந்துரையாடலில் கலந்துக் கொண்டுள்ளதாக தெரிவிக்கப்பட்டுள்ளது.
நாளை சமர்பிக்கப்படவுள்ள வரவு செலவுத் திட்டம் 2027
“டித்வா” இயற்கை அனர்த்தம் மற்றும் மத்திய கிழக்கு பிராந்திய நெருக்கடி போன்ற பல்வேறு உள்நாட்டு மற்றும் சர்வதேச ரீதியிலான பாரிய பொருளாதாரச் சவால்களுக்கு மத்தியிலும், முறையான நிதி முகாமைத்துவம் மற்றும் உயர்ந்த நிதிக்கட்டுப்பாட்டுடன் செயற்பட்டமையின் காரணமாக, நாட்டின் பல பிரதான பொருளாதாரத் துறைகளில் குறிப்பிடத்தக்க முன்னேற்றத்தைத் தற்போதைய அரசு அடைந்துள்ளது.
அதற்கமைய, நாட்டின் பொருளாதாரத்தை மேலும் ஸ்திரப்படுத்தும் இலக்கைத் தாண்டி, பொருளாதார விரிவாக்கம் மற்றும் மாற்றமிக்க அபிவிருத்தியைப் பிரதான இலக்காகக் கொண்ட 2 ஆயிரம் பில்லியன் ரூபா முதலீட்டு ஒதுக்கீடுகளை உள்ளடக்கியதாக 2027ஆம் ஆண்டுக்கான வரவு - செலவுத் திட்ட ஆவணம் தயாரிக்கப்பட்டுள்ளது என்றும் ஜனாதிபதி ஊடகப் பிரிவு தெரிவித்துள்ளது.
நிதி, திட்டமிடல் மற்றும் பொருளாதார அபிவிருத்தி அமைச்சர் என்ற வகையில் ஜனாதிபதி அநுரகுமார திஸாநாயக்க இந்தப் பாதீட்டு ஆவணத்தை நாளை(12.11.2026) பிற்பகல் நாடாளுமன்றத்தில் சமர்ப்பிக்கவுள்ளார் என்பது குறிப்பிடத்தக்கது.
மலேசியா, Malaysia, தெல்லிப்பழை, Wembley, United Kingdom
09 Oct, 2026
அல்லைப்பிட்டி, பிரான்ஸ், France
12 Nov, 2011
அனலைதீவு, நீர்கொழும்பு, யாழ்ப்பாணம், கிளிநொச்சி, Mississauga, Canada
07 Nov, 2026
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
பருத்தித்துறை, London, United Kingdom
19 Oct, 2025
