லங்காசிறி FM
றம்புக்கனையில் கொன்று புதைக்கப்பட்ட இரண்டு இளைஞர்கள்! பொலிஸார் வெளியிட்ட தகவல்
2022 ஆம் ஆண்டு நவம்பர் மாதம் காணாமல் போன ஒருவரின் சடலம் றம்புக்கனையில் மீட்கப்பட்டுள்ளதாக பொலிஸார் தெரிவித்தனர்.
அதன்படி, 2022 ஆம் ஆண்டு நவம்பர் மாதம் காணாமல் போனதாகக் கூறப்படும் இருவரின் சடலங்களைத் தேடுவதற்காக நேற்று மாலை றம்புக்கனையில் அகழ்வுப் பணிகள் ஆரம்பிக்கப்பட்ட நிலையில், நேற்று மாலை ஒருவரின் சடலம் பொலிஸாரால் மீட்கப்பட்டுள்ளது.
காணாமல் போன இளைஞர்கள்
ஊடகவியலாளர் சந்திப்பில் பேசிய பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவ, இருவர் படுகொலை செய்யப்பட்டதாக கிடைத்த தகவலின் அடிப்படையில் அகழ்வு பணிகள் ஆரம்பிக்கப்பட்டுள்ளதாக தெரிவித்தார்.
கடந்த வருடம் நவம்பர் மாதம் மாவனல்லை பிரதேசத்தில் வசிப்பவர்கள் என அடையாளம் காணப்பட்ட இருவர் காணாமல் போயிருந்ததாக தெரிவிக்கப்பட்டதை தொடர்ந்து, காணாமல் போனவர்களின் உறவினர்கள் செய்த முறைப்பாடுகளின் அடிப்படையில் விசாரணைகள் ஆரம்பிக்கப்பட்டன.
போதைப்பொருள் வியாபாரம்
போதைப்பொருள் வியாபாரம் ஒன்றின் அடிப்படையில் இவர்கள் இருவரும் கொலை செய்யப்பட்டுள்ளனர் என ஆரம்பகட்ட விசாரணைகளில் தெரியவந்துள்ளதாக தல்துவா தெரிவித்துள்ளார்.
சம்பவத்துடன் தொடர்புடைய சந்தேகநபர்களை பொலிஸார் அடையாளம் கண்டுள்ள போதிலும், இது தொடர்பில் இதுவரை எவரும் கைது செய்யப்படவில்லை என அவர் குறிப்பிட்டுள்ளார்.
சம்பவம் தொடர்பான மேலதிக விசாரணைகளை மாவனல்லை பொலிஸார் மற்றும் கேகாலை பொலிஸ் குற்றத்தடுப்பு பிரிவினர் இருவரும் மேற்கொண்டு வருகின்றனர்.
ஆண்டுக்கு 40,000 வெளிநாட்டவர்களுக்கு குடியுரிமை வழங்கும் சுவிட்சர்லாந்து: ஆனால் அவர்கள் யார் தெரியுமா? News Lankasri
ரோஹினியால் மனோஜிடம் நேருக்கு நேர் சிக்கிய ஜீவா- சிறகடிக்க ஆசை சீரியல் பரபரப்பான கதைக்களம் Cineulagam
10 -ம் வகுப்பு தேர்வில் முதலிடம் பிடித்த மாணவியின் தோற்றத்தை வைத்து கிண்டல்.. பெருகும் ஆதரவு News Lankasri
புங்குடுதீவு 3ம் வட்டாரம், வட்டக்கச்சி, கொழும்பு, Bobigny, France
24 Apr, 2021
அளவெட்டி, London, United Kingdom, Wales, United Kingdom
19 Apr, 2023