இரகசிய தகவலின் அடிப்படையில் விசேட சுற்றிவளைப்பு! வசமாக சிக்கிய பழைய குற்றவாளி

Sri Lanka Police Ampara Sri Lanka Police Investigation Arrest

By Farook Sihan Oct 01, 2026 05:22 AM GMT

Farook Sihan

in சமூகம்

Report

அம்பாறை - சம்மாந்துறை பொலிஸ் பிரிவுக்குட்பட்ட பகுதியில் மேற்கொள்ளப்பட்ட விசேட சுற்றிவளைப்பு நடவடிக்கையின் போது, 'ஐஸ்' போதைப்பொருளுடன் இரு சந்தேகநபர்கள் நேற்று (30.09.2026) கைது செய்யப்பட்டுள்ளனர்.

பொலிஸாருக்குக் கிடைத்த இரகசியத் தகவலொன்றின் அடிப்படையில் இந்த விசேட சுற்றிவளைப்பு நடவடிக்கை மேற்கொள்ளப்பட்டுள்ளது.

போதைப்பொருள் கைப்பற்றல்

கைது செய்யப்பட்டவர்களிடமிருந்து தலா 2 கிராம் வீதம் மொத்தம் 4 கிராம் 'ஐஸ்' போதைப்பொருள் சம்மாந்துறை பொலிஸாரால் கைப்பற்றப்பட்டுள்ளது.

இரகசிய தகவலின் அடிப்படையில் விசேட சுற்றிவளைப்பு! வசமாக சிக்கிய பழைய குற்றவாளி | Offender Involved In Drug Trafficking Caught

கைது செய்யப்பட்டவர்களில் 28 வயதுடைய சந்தேகநபர் சம்மாந்துறை மற்றும் வாழைச்சேனை ஆகிய பகுதிகளை தற்காலிக வசிப்பிடமாகக் கொண்டவராவார்.

இவர் ஏற்கனவே பல முறை போதைப்பொருள் குற்றச்சாட்டுகள் தொடர்பில் கைது செய்யப்பட்ட பழைய குற்றவாளி என பொலிஸ் விசாரணைகளிலிருந்து தெரியவந்துள்ளது.

விசாரணை முன்னெடுப்பு

அதேவேளை கைது செய்யப்பட்ட மற்றைய சந்தேகநபர் வளத்தாப்பிட்டி பகுதியைச் சேர்ந்த 34 வயதுடையவராவார்.

கைப்பற்றப்பட்ட போதைப்பொருட்களுடன் கைது செய்யப்பட்ட இவ்விரு சந்தேகநபர்களிடம் மேலதிக விசாரணை மேற்கொள்ளப்பட்டு சட்ட நடவடிக்கை எடுக்கப்படவுள்ளதாக பொலிஸ் உயர் அதிகாரி குறிப்பிட்டார்.

இச்சம்பவம் தொடர்பான மேலதிக தீவிர விசாரணைகளைச் சம்மாந்துறை பொலிஸார் மேற்கொண்டு வருகின்றமை குறிப்பிடத்தக்கது.