நுவரெலியா பிரதேசசபையின் 2027ஆம் ஆண்டுக்கான வரவு செலவுத் திட்டம் ஏகமனதாக நிறைவேற்றம்

Nuwara Eliya Sri Lanka Sri Lankan Peoples

By Malaivanjan Oct 13, 2026 08:28 AM GMT

Malaivanjan

in சமூகம்

Report

நுவரெலியா பிரதேசசபையின் 2027ஆம் ஆண்டுக்கான வரவு செலவுத் திட்டம், சபையின் 22 உறுப்பினர்களினதும் முழுமையான ஆதரவுடன் இன்று (13.10.2026) நிறைவேற்றப்பட்டுள்ளது.

2027ஆம் ஆண்டுக்கான வரவு செலவுத் திட்டக் கூட்டம் இன்று காலை, சபையின் தவிசாளர் வேலு யோகராஜா தலைமையில் நடைபெற்றது.

இக்கூட்டத்தில் தவிசாளர் உள்ளிட்ட 22 உறுப்பினர்கள் கலந்துகொண்டதுடன், இரண்டு உறுப்பினர்கள் சமூகமளிக்கவில்லை எனத் தெரிவிக்கப்படுகிறது.

நுவரெலியா பிரதேசசபையின் 2027ஆம் ஆண்டுக்கான வரவு செலவுத் திட்டம் ஏகமனதாக நிறைவேற்றம் | Nuwaraeliya Pradeshiya Sabha S Budget Passed

இந்நிலையில், கூட்டத்தில் கலந்துகொண்ட 22 உறுப்பினர்களினதும் முழுமையான ஆதரவுடன் வரவு செலவுத் திட்டம் நிறைவேற்றப்பட்டது.

அபிவிருத்தித் திட்டங்கள் தொடர்பில் கவனம்

இதனைத் தொடர்ந்து நடைபெற்ற கலந்துரையாடலின்போது, 2027ஆம் ஆண்டில் தோட்டப்புற மற்றும் கிராமப்புற வீதிகளை அபிவிருத்தி செய்தல், நகர அபிவிருத்தி, குடிநீர் மற்றும் சுகாதார வசதிகளை மேம்படுத்துதல் உள்ளிட்ட பல்வேறு அபிவிருத்தித் திட்டங்கள் தொடர்பில் கவனம் செலுத்தப்பட்டது.

அத்துடன், சுற்றுலாத்துறையை மேம்படுத்தி வருமானத்தை அதிகரித்தல், விளையாட்டுத்துறையை அபிவிருத்தி செய்தல், பிரதேச மக்களின் வருமானத்தை உயர்த்துதல், விவசாயிகளின் வாழ்வாதாரத்தை மேம்படுத்துதல் மற்றும் உட்கட்டமைப்பு வசதிகளை விரிவுபடுத்துதல் போன்ற விடயங்களும் கலந்துரையாடப்பட்டன.

நுவரெலியா பிரதேசத்தின் அபிவிருத்தியையும், மக்களின் வாழ்வாதார முன்னேற்றத்தையும் இலக்காகக் கொண்டு 2027ஆம் ஆண்டில் பல்வேறு அபிவிருத்திப் பணிகளை முன்னெடுப்பது தொடர்பில் இதன்போது கவனம் செலுத்தப்பட்டமை குறிப்பிடத்தக்கது.