நீதித்துறையைச் சொந்தப் பைகளுக்குள் போட்டுக்கொள்ள என்.பி.பி அரசு முயற்சி! எழும் குற்றச்சாட்டு

நீதிபதிகளின் ஓய்வுபெறும் வயதை அதிகரிப்பது மற்றும் நீதித்துறை சுதந்திரத்தில் அரசு தலையிடுவது தொடர்பாக 'ஜனநாயகத்துக்கான சமூக ஊடகவியலாளர்கள் சங்கம்' தனது பலத்த கண்டனத்தைத் தெரிவித்துள்ளது.

கொழும்பில் உள்ள ஸ்ரீலங்கா சுதந்திரக் கட்சியின் தலைமை அலுவலகத்தில் நேற்று(30.07.2026) நடைபெற்ற ஊடகவியலாளர் சந்திப்பில் கலந்துகொண்டு உரையாற்றிய அச்சங்கத்தின் இயக்குனர் அபீத எதிரிசிங்க இவ்வாறு குறிப்பிட்டுள்ளார்.

இலங்கையை உலுக்கிய சம்பவத்தால் அதிர்ச்சியில் பெற்றோர் - மாணவ குழுவால் மாணவிக்கு நேர்ந்த கொடுமை

நீதிமன்றங்களில் வழக்குகளின் எண்ணிக்கை

மேலும் தெரிவிக்கையில், "நீதிபதிகளின் ஓய்வுபெறும் வயதை நீடிக்கும் அரசின் இந்தத் தீர்மானத்துக்கு 'நீதிபதிகள் சேவை சங்கம்' மற்றும் 'இலங்கை சட்டத்தரணிகள் சங்கம்' ஆகிய நாட்டின் பிரதான நீதித்துறை சார்ந்த இரு அமைப்புகளும் மிகத் தெளிவாக எதிர்ப்புத் தெரிவித்துள்ளன.

சட்டத்தரணிகள் சங்கத்தின் பிரேரணையில் நீதித்துறை சுதந்திரத்தையும் அரசமைப்பையும் பாதுகாக்குமாறு கோரப்பட்டுள்ளதோடு, நீதிபதிகள் சேவை சங்கத்தின் கூட்டத்தில் பங்கேற்ற 65 உறுப்பினர்களும் ஒருமனதாக இந்தத் திட்டத்துக்கு எதிர்ப்பைப் பதிவு செய்துள்ளனர்.

நீதிபதிகளும் சட்டத்தரணிகளும் ஏகோபித்த குரலில் எதிர்த்த போதிலும், அரசு தனது அமைச்சரவையில் இந்தத் திட்டத்துக்கு ஒப்புதல் பெற்றுத் தன்னிச்சையாக நிறைவேற்ற முயல்வது எதேச்சதிகாரமான போக்காகும்.

நீதிமன்றங்களில் வழக்குகளின் எண்ணிக்கை அதிகளவில் நிலுவையில் உள்ளமையால்தான் ஓய்வுபெறும் வயதை அதிகரிப்பதாக அரசு கூறுவது முற்றிலும் ஏமாற்று வேலையாகும்.

அரசியல் மற்றும் பொருளாதார சூழ்நிலை

ஏனெனில் அதிகளவிலான வழக்குகள் மேல் நீதிமன்றங்கள் மற்றும் நீதிவான் நீதிமன்றங்களிலேயே தேங்கியுள்ளன.

மாறாக, அரசியல்வாதிகள் தொடர்புடைய வழக்குகளைப் பாதுகாக்கவும், நீதித்துறையைத் தங்கள் அரசியல் அதிகாரத்தின் கீழ் கொண்டுவரவுமே அரசு இவ்வாறான நடவடிக்கைகளில் ஈடுபடுகின்றது. 

நாடு எத்தகைய அரசியல் மற்றும் பொருளாதார இக்கட்டான சூழ்நிலைகளில் இருந்தபோதிலும், நீதித்துறை மற்றும் உச்சநீதிமன்றமே எப்போதும் நாட்டைப் பாதுகாத்து நின்றன.

ஆனால், தற்போது அரசு தனது மக்கள் ஆணையைக் தவறாகப் பயன்படுத்தி, நீதிபதிகளையும் சட்டத்தரணிகளையும் ஒடுக்கி, நீதிமன்றத்தைச் சொந்தப் பைகளுக்குள் போட்டுக்கொள்ள முயல்கின்றது.

நீதிமன்றத்தின் நிலைமை இதே போக்கில் தொடர்ந்து, அரசின் இந்தத் தீர்மானங்கள் நடைமுறைப்படுத்தப்பட்டால், எதிர்காலத்தில் நாட்டின் நீதித்துறைக்கு நினைவஞ்சலி செலுத்தி எள்ளும் தண்ணீரும் இறைக்க வேண்டிய பரிதாப நிலைமையே ஏற்படும்" என்றும் குறிப்பிட்டுள்ளார்.

எரிபொருள் விலை திருத்தம் தொடர்பில் இன்று வெளியாகவுள்ள அறிவிப்பு

பேருந்துக்குள் இளைஞனின் விபரீத முடிவு