யாழ்ப்பாணம் பேருந்து நிலையத்தில் சிசுவின் கருச்சிதைவு மீட்பு!

Sri Lanka Police Jaffna Jaffna Teaching Hospital

By Theepan Feb 28, 2026 11:54 AM GMT

Theepan

in சமூகம்

Report

யாழ்ப்பாணம் நகர் மத்தியில் மீட்கப்பட்ட கரு தொடர்பில் கண்காணிப்பு கேமராக்களின் உதவியுடன் விசாரணைகளை மேற்கொள்ளுமாறு யாழ் . நீதவான் லெனின்குமார் பொலிஸாருக்கு பணித்துள்ளார்.

யாழ்ப்பாணம் மத்திய பேருந்து நிலையத்திற்கு பின்புறமாக பெண்ணொருவர் சந்தேகத்திற்கு இடமான முறையில் நடமாடிய பின்னர் அங்கிருந்து காணாமல் போயிருந்தார்.

கருவை யாழ்.போதனா வைத்தியசாலையில் ஒப்படைக்குமாறும் பணிப்பு

அதன் பின்னர் அப்பகுதியில் சுமார் 6- 7 மாத கரு வீதியில் காணப்பட்டுள்ளது. அதனை அடுத்து அங்கிருந்தவர்கள் யாழ்ப்பாண பொலிஸாருக்கு அறிவித்ததை அடுத்து சம்பவ இடத்திற்கு விரைந்த பொலிஸார் கருவினை கடதாசி பெட்டியால் மூடி விசாரணைகளை ஆரம்பித்துள்ளனர்.

யாழ்ப்பாணம் பேருந்து நிலையத்தில் சிசுவின் கருச்சிதைவு மீட்பு! | Miscarriage Baby Found At Jaffna Bus Station

அவ்விடத்தில் சந்தேகத்திற்கு இடமான முறையில் நடமாடிய பெண் , எங்கேனும் சட்டவிரோத கருக்கலைப்பினை மேற்கொண்ட பின்னர் கரு சிதைவை வீதியில் வீசி சென்று இருக்கலாம் என பொலிஸார் சந்தேகிக்கின்றனர்.

இந்நிலையில் சம்பவ இடத்திற்கு நேரில் சென்ற யாழ்.நீதவான் விசாரணைகளை முன்னெடுத்ததுடன்,கண்காணிப்பு கமராக்களின் உதவியுடன் விசாரணைகளை மேற்கொள்ளுமாறும் , கருவை யாழ்.போதனா வைத்தியசாலையில் ஒப்படைக்குமாறும் பணித்துள்ளார்.

மேலதிக தகவல் - கஜிந்தன்