மயிலத்தமடு எங்கே இருக்கின்றது: கேள்வி எழுப்பிய நீதி அமைச்சர்

Batticaloa Dr Wijeyadasa Rajapakshe Eastern Province

By Rakesh Jan 24, 2024 07:58 PM GMT

Rakesh

in அரசியல்

Report

மட்டக்களப்பு, மயிலத்தமடுவில் சிங்களப் பேரினவாத அடக்குமுறைக்கு எதிராகப் பண்ணையாளர்கள் தொடர்ச்சியாகப் போராட்டம் நடத்தி வரும் நிலையில், "மயிலத்தமடு எங்கே இருக்கின்றது?" என நீதி அமைச்சர் விஜயதாஸ ராஜபக்ச வியப்புடன் கேட்டுள்ளார் .

மயிலத்தமடுவில் இடம்பெறும் பேரினவாத அடக்குமுறை மற்றும் குருந்தூர்மலை விவகாரம் தொடர்பில் விஜயதாஸ ராஜபக்சவிடம் கேள்வி எழுப்பப்பட்ட போதே அவர் மேற்கண்டவாறு வினவியுள்ளார்.

அதேவேளை, குருந்தூர்மலை தொடர்பான விடயங்களை அறிந்து வைத்துள்ளதாகவும் உண்மையில் சில அரசியல்வாதிகள்தான் இந்த விடயத்தை பதற்றமான நிலைக்குள் இட்டுச் செல்கின்றனர் என அமைச்சர் சுட்டிக்காட்டயுள்ளார்.

மயிலத்தமடு எங்கே இருக்கின்றது: கேள்வி எழுப்பிய நீதி அமைச்சர் | Minister Of Justice Asked Where Is Mayilathamadu

மேலும், முல்லைத்தீவு மாவட்ட நீதிபதியாகச் செயற்பட்ட ரி.சரவணராஜா நாட்டைவிட்டு வெளியேறிச் சென்றமைக்கு அரச அழுத்தங்கள் காரணமில்லை எனவும் தனது குடும்பத்திலுள்ள பிரச்சினையால்தான் அவர் நாட்டைவிட்டு வெளியேறிச் சென்றார் எனவும் விஜயதாஸ ராஜபக்ச தெரிவித்துள்ளார்.

குருந்தூர்மலை விவகாரம்

அதேவேளை, இது தொடர்பில் முழுமையான விசாரணை நடத்தப்படும் என்றும் அவருக்கு அச்சுறுத்தல் இருந்தது என்றால், அந்த அச்சுறுத்தலை எதிர்கொள்வதற்கும் அவருக்கு அதிகாரம் இருந்தது என்றும் அமைச்சர் சுட்டிக்காட்டியுள்ளார்.

அதையெல்லாம் விடுத்து அவர் அச்சுறுத்தலால்தான் நாட்டைவிட்டு வெளியேறினார் என்று தெரிவிப்பது பொருத்தம் இல்லை என்பதோடு அதில் உண்மையும் இல்லை என அவர் குறிப்பிட்டுள்ளார்.