லங்காசிறி FM
எனக்கு அறவே பிடிக்காத விடயத்தை செய்ய ஜனாதிபதியே வற்புறுத்தினார்! கே.டி.லால்காந்த பகிரங்கம்
எதிர்காலத்தில் கண்டி மாவட்டத் தேர்தலில் போட்டியிடப் போவதில்லை என விவசாய அமைச்சர் கே.டி.லால்காந்த தெரிவித்துள்ளார்.
கண்டியில் நடைபெற்ற ஊடக சந்திப்பில் வைத்து கருத்து தெரிவிக்கும் போதே அவர் இந்த விடயத்தை கூறியுள்ளார்.
ஜனாதிபதியின் வற்புறுத்தல்
மேலும் தெரிவிக்கையில், தாம் தொடர்ந்து தீவிர அரசியலில் ஈடுபடப் போவதாகக் கூறினார். அத்துடன் நாட்டிற்கு சேவை செய்ய, ஒருவர் நாடாளுமன்றத்திற்குச் சென்று அரசியல் செய்ய வேண்டும். ஜனாதிபதி என்னை அவ்வாறு செய்ய வற்புறுத்தியதால், இந்த முறை நான் கண்டியில் வாக்குகள் கோரினேன்.
எனக்கு வாக்குகள் கேட்கும் வேலை அறவே பிடிக்காது. எனவே, எதிர்காலத்தில் கண்டி மாவட்டத்தில் வாக்குகள் கேட்கும் எண்ணம் எனக்கு இல்லை. ஆனால் நான் கண்டிக்கு சேவை செய்வேன். நான் இந்த கட்சியை ஒருபோதும் கைவிட மாட்டேன். இந்த கட்சியை விட்டு எத்தனை பேர் வெளியேறியிருக்கிறார்கள்? நாங்கள் நகரக்கூட இல்லை.
அரசாங்கத்தை தொடர்ந்து நிலைநிறுத்தல்
அதனால் தான் எங்கள் அரசாங்கம் இந்த நாட்டை தொடர்ந்து ஆண்டு வருகிறது. குறைந்தபட்சம் எங்களுக்கு சவால் விட யாராவது வரும் வரை, வேறு வழியில்லை. சரியான எதிர்க்கட்சி இருக்கிறதா? எனவே, இந்த நாட்டில் எங்கள் அரசாங்கத்தை நாங்கள் தொடர்ந்து நிலைநிறுத்த முடியும்.
சில சமயங்களில் ஜனாதிபதி மாறலாம். அதிகாரப்பூர்வ நிலைப்பாடுகள் மாறக்கூடும். ஆனால் எங்கள் அரசாங்கம் மாறாது. அதுதான் உண்மையான நிலைமை.
கோட்ட எல்லை நிர்ணயப் பிரச்சினை தீர்க்கப்பட்டவுடன், மாகாண சபைத் தேர்தல்களை நடத்துவோம். எதிர்காலத்தில், இந்த மக்களுக்கு நிவாரணம் அளிக்கும் பல திட்டங்களை நாங்கள் செயல்படுத்துவோம் என கூறினார்.
புங்குடுதீவு 3ம் வட்டாரம், வட்டக்கச்சி இராமநாதபுரம், வைரவபுளியங்குளம்
18 Jul, 2026
சரவணை, கொய்யாத்தோட்டம், யாழ்ப்பாணம், Osterode am Harz, Germany
13 Aug, 2016
பருத்தித்துறை, Kirchheim Unter Teck, Germany, சிவிக்ஸ் சென்டர்,வட்டக்கச்சி
11 Aug, 2025
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
